सोलापुरात विजेचा धक्का लागून 24 म्हशींचा जागीच मृत्यू झाला आहे. उत्तर सोलापूर तालुक्यातील गुळवंची गावामध्ये ही धक्कादायक घटना घडली आहे. गावातील ओढ्यावरून जाणारी महावितरणची तार तुटून पाण्यात पडल्याने 28 पैकी 24 म्हशींना मृत्यू झाला आहे.

शेतकरी विष्णू भजनावळे यांच्या मालकीच्या म्हशी दगावल्याने गावामध्ये हळहळ व्यक्त होत आहे. एका म्हशीची किंमत किमान 1 लाखाच्या पुढे असल्याने शतकऱ्याचे जवळपास 24 लाखाचे नुकसान झालेय. दरम्यान घटनेनंतर पशुपालक शेतकऱ्याला शासनाकडून मदत मिळावी म्हणून सोलापूर - बार्शी मार्गावर ग्रामस्थांनी ठिय्या आंदोलन सुरु केल आहे.

बुधवारी कोल्हापुरात विजेचा धक्का लागून सख्ख्या भावांचा मृत्यू झाल्याची घटना ताजी असताना सोलापूरमध्ये ही घटना घडलीआहे. यातून महावितरणने काहीच धडा घेतला नसल्याचे दिसत आहे. ओढ्यात विजेची तार तुटून पडली होती. त्याची कोणतीच कल्पना नव्हती आणि शेतकऱ्याने सोडलेल्या म्हशी पाण्यात उतरल्या होत्या. त्यातील २४ म्हशीचा पाण्यातच मृत्यू झाला. ओढ्यातील दृश्य मनाला वेदणा देणारं होतं.