Mukhyamantri Ladki Bahin Yojana : मुख्यमंत्री लाडकी बहीण योजनेसाठी लूट सुरूच; रेशन कार्ड अपडेटसाठी होतेय पैशांची मागणी

मुख्यमंत्री लाडकी बहीण योजनेच्या कागदपत्रांची पूर्तता करण्यासाठी आणि अर्ज करण्यासाठी नागरिकांनी बुलढाणा तहसील कार्यालय, तलाठी कार्यालयासह इतर ठिकाणी गर्दी केली आहे. या तहसील कार्यालयात रेशन कार्डमध्ये नाव टकणे. नाव वगळणे आणि ऑनलाईन करणे ही कामे केली जात आहेत. मात्र तहसील कार्यालयाच्या पुरवठा विभागातील कर्मचारी कडून राशन कार्डचं कामासाठी 50 ते 100 रुपये घेतल्या जात असल्याचा प्रकार समोर आला आहे, त्यामुळे संताप व्यक्त होत आहे.

नागरिकांकडून पैसे उकळले जात असल्याचा व्हिडिओही कॅमेरात कैद झाला आङे. साम टीव्हीचे पत्रकार कॅमेरा घेऊन कार्यालयात गेले असता त्याठीकाणी संबंधित कर्मचाऱ्यांनी कार्यालयातून पळ काढला. मात्र आता यावर जिल्हाधिकारी तसेच मुख्यमंत्री काय कारवाई करतात, याकडे लक्ष लागले आहे.

रेशन कार्ड अपडेट करण्यासाठी कोणतेही शुल्क आकारलं जात नाही, हे सर्व सेवा विनामूल्य आहे. जर असा कोणताही ऑपरेटर वसुली करीत असेल तर त्यावर् नियमानुसार कारवाई केली जाईल, अशी प्रतिक्रिया.. सहायक जिल्हा पुरवठा अधिकारी यांनी दिली आहे.