तलवारीने केक कापणे, गाडीच्या बोनेटवर बसून बर्थ डे सेलिब्रेशन तुम्ही पाहिलं असेल...पण तुम्हाला आश्चर्य वाटेल चक्क एका नागोबाचा बर्थ डे साजरा झालाय. सोशल मीडियावर चर्चेत राहण्यासाठी, व्हिडीओ व्हायरल होण्यासाठी कोण काय करेल याचा नेमच नाही. रिल्ससाठी तरुणाई कोणत्या थराला जाईल याचा आपण विचारचं करायला नको.. आता धुळ्यातील शिरपूर मधील या पठ्ठ्यान 'बड्डे आहे भावाचा' असं म्हणत चक्क कोब्रा नागाचा वाढदिवस साजरा केला आहे.

कोब्राचा वाढदिवस साजरा करणारा हा वाघ.. म्हणजे राज वाघ हा स्वत: एक सर्पमित्र आहे..बोराडी येथील एका घरातून त्यानं हा नाग रेस्क्यू केला होता..त्यानंतर नागपंचमीला त्या नागाचा वाढदिवस साजरा करण्याचं नसतं धाडस या तरुणानं केलं.. जे त्याला चांगलचं महागात पडलयं.. वनविभागाने गुन्हा दाखल घेत त्याला ताब्यात घेतलंय.

सोशल मीडियावरील पोस्टसाठी सर्पमित्रानं केलेला हा थिल्लरपणा त्याच्या अगलंट आलाय. मात्र इतर ठिकाणीही अशाच पद्धतीनं वन्यजीवांना त्रास देण्याचा प्रयत्न केला जातो..सर्पमित्रांकडून जनजागृती अपेक्षित आहे. मात्र काही सर्पमित्रांची सोशल मीडियावरची अशा पद्धतीची शो बाजी दुर्देवी म्हणावी लागेल.