नाशिक: गृह निर्माण मंत्री जितेंद्र आव्हाड यांच्या ट्विटर बॉम्बचे विधानपरिषदेत पडसाद दिसून येत आहेत. आता सदनिकांच्या घोटाळ्याची एसआयटी चौकशी होणार आहे. महापालिका आयुक्तांच्या बदलीचे आदेश विधान परिषद सभापतींनी दिले आहेत (SIT probe into flats scam in Nashik pointed out by Minister Jitendra Awhad).

नाशिकमध्ये (Nashik) 1 एकरपेक्षा अधिक क्षेत्रावरील बांधकामातील 20 टक्के बांधकाम आर्थिक दुर्बल घटकांसाठी म्हाडाकडे वर्ग करण्याच्या नियमांचं उल्लंघन झाल्याचं जितेंद्र आव्हाड (Jitendra Awhad) यांनी उघडकीस आणलं होतं. यात 700 कोटींचा घोटाळा झाल्याचा आरोपही जितेंद्र आव्हाड यांनी केला होता. यासंदर्भात माहिती मागवूनही ती देण्यास महापालिकेकडून टाळाटाळ झाल्याचं ट्विटही आव्हाड यांनी केलं होतं. या प्रकरणाचे पडसाद आज विधानपरिषदेत उमटलेत.

विधान परिषदेचे विरोधी पक्षनेते प्रविण दरेकर (Pravin Darekar) यांनी यासंदर्भात मांडलेल्या लक्षवेधीवर चर्चेनंतर उत्तर देतांना जितेंद्र आव्हाड यांनी सभापती रामराजे निंबाळकर यांच्या अध्यक्षतेखाली एसआयटी नियुक्त करण्याची घोषणा केली. यानंतर सभापती निंबाळकर यांनी हे प्रकरण गंभीर असल्याचं सांगत संबंधितांवर चौकशी अंती कारवाई करण्याबरोबरच अधिकाऱ्यांच्या तातडीने बदलीच्या सूचना दिल्यानं महापालिकेत चांगलीचं खळबळ उडालीये.

Edited By - Nupur Uppal