woman politician visited Ashok Kharat for election ritual : नाशिकचा भोंदू बाबा अशोक खरात याचे दररोज नवीन पराक्रम समोर येत आहेत. राजकीय नेत्यांपासून ते सर्वसामान्य आणि व्यावसायिक नेत्यांनीही भोंदू बाबाकडे अघोरी पूजा केल्याचं समोर येत आहे. मागली ४ दिवसांपासून एसआयटीकडून खरातची चौकशी केली जात आहे. त्याशिवाय खरातकडे गेलेले तसेच पीडित महिलांचा जबाब पोलिसांकडून नोंदवण्यात येत आहे. आतापर्यंत खरातवर ६ पेक्षा जास्त गुन्हे नोंदवण्यात आले आहे. खरातही कोट्यवधींची माया आणि शेकडो एकर जमिनीचा कारभारही समोर आला आहे. आता या प्रकरणात धक्कादायक माहिती समोर आली आहे. महिला नेत्यानं खरातकडे पूजा केल्याचं समजतेय. लोकसभा निवडणुकीत जिंकण्यासाठी महिला नेत्यानं खरातकडे पूजा केल्याची माहिती सूत्रांनी सांगितलं.

उत्तर महाराष्ट्रातील लोकसभा निवडणुकींशी संबंधित धक्कादायक माहिती एसआयटीच्या तपासात समोर आली आहे. एक महिला नेत्या भोंदू अशोक खरातकडे ‘तोटका’ करण्यासाठी गेल्याची माहिती एसआयटीला मिळाली आहे. एसआयटीकडून त्या महिला नेत्याचाही चौकशी केली जाणार असल्याची माहिती खात्रीलायक सूत्रांनी दिली आहे. एसआयटीला खरातच्या कार्यालयातील अनेक सीसीटीव्ही फुटेज मिळाले आहेत. त्यामध्ये अनेक धक्कादायक नावं समोर आली आहेत, त्या सर्वांची चौकशी केली जाण्याची शक्यता आहे.

लोकसभा निवडणूक जिंकण्यासाठी उत्तर भारतामधील एक महिला नेत्या अशोक खरात याच्याकडे गेली होती. ती महिला नेता तोटका करण्यासाठी खरातकडे गेल्याचं समोर आले आहे. अशोक खरात यानं त्या महिला नेत्याला “धक्कादायक निकाल लावून देतो” म्हणत पूजा करण्यास भाग पाडल्याचा दावा करण्यात येत आहे. ती महिला नेत्या नेमकी कोण आहे? याची चर्चा नाशिक आणि आजूबाजूच्या परिसरात सुरू झालेली आहे.

मिळालेल्या माहितीनुसार, अशोक खरात याने यापूर्वीही अनेक निवडणुकीच्या आधी अशाच पूजा केली होती. SIT कडून संबंधित महिला नेत्याची चौकशी होण्याची शक्यता वर्तवण्यात येत आहे. निवडणुकीत यशासाठी अनेक नेते खरातकडे गेल्याची सूत्रांनी माहिती दिली आहे. खरातच्या कार्यालयात संबंधित नेत्या आणि कुटुंब वारंवार येत असल्याची माहिती समोर आले आहे. खरात याच्या कार्यालयातील CCTV फुटेज SIT च्या हाती लागले आहे. त्या सर्वांना चौकशीसाठी बोलवण्यात येऊ शकते, असे सांगण्यात येत आहे.

खरात प्रकऱणात विधीज्ञ अजय मिसर यांची नियुक्ती

नाशिक भोंदूबाबा अशोक खरात महिला लैंगिक अत्याचार प्रकरणात ज्येष्ठ विधीज्ञ अजय मिसर यांची नियुक्ती करण्यात आली आहे. सरकारकडून ज्येष्ठ विधीज्ञ अजय मिसर यांची नियुक्ती केल्याची माहिती सूत्रांनी दिली आहे. अजय मिसर यांनी २००८ मधील मालेगाव बॉम्बस्फोट, २०११ मधील दादर ऑपेरा हाऊस बॉम्बस्फोट, रवी पुजारी खटला, नाशिक धान्य घोटाळा यासह अनेक महत्त्वाच्या खटल्यांमध्ये सरकारी वकील म्हणून महत्त्वाची भूमिका बजावली आहे.