पराग ढोबळे, नागपूर प्रतिनिधी

Nagpur Crime News : नागपुरातून एक धक्कादायक बातमी समोर आली आहे. नग्न पूजेचा व्हिडिओ दाखवत महिलेसोबत अश्लील कृत्य करणाऱ्या भोंदूबाबावर गुन्हा दाखल करण्यात आला आहे. हबीबुल्ला मलिक उर्फ मामा असे आरोपी भोंदूबाबाचे नाव आहे. तो मूळचा पश्चिम बंगाल येथील आहे. कुटुंबावरील संकट दूर करण्यासाठी महिलेसोबत ओळख वाढवून घरात प्रवेश मिळवला. आणि मी काळी जादू जाणतो म्हणून महिलेला नग्न पूजा करत व्हिडिओ पाठविला.

मिळालेल्या माहितीनुसार, नग्न पूजेचा व्हिडिओ दाखवत महिलेसोबत अश्लील कृत्य करणाऱ्या भोंदूबाबावर नागपुरात गुन्हा दाखल करण्यात आला आहे. आरोपी मूळचा पश्चिम बंगालमधील असून त्याचे नाव हबीबुल्ला मलिक उर्फ मामा आहे. मागील वीस वर्षापासून मामा नागपुरात स्थायिक आहे. त्या मामावर नागपूरच्या पाचपावली पोलीस स्टेशनमध्ये गुन्हा नोंदवण्यात आला आहे. पोलिसांकडून भोंदू बाबाचा शोध घेतला जात आहे.

हबीबुल्ला मलिक उर्फ मामा याने त्या महिलेला कुटुंबावरील संकट दूर करतो, म्हणत ओळख वाढवली. त्याने घरात प्रवेश मिळवला. घरामध्ये गेल्यानंतर मामाने मी काळी जादू जाणतो म्हणत महिलेला नग्न पूजा करत व्हिडिओ पाठवला. हा भोंदूबाबा गेल्या अनेक दिवसांपासून सदर महिलेसोबत अश्लील कृत्य करत होता असेही समोर आले आहे. त्याने त्या महिलेला कुटुंबीयाला जीवे मारण्याची धमकी दिल्याचेही उघड झाले आहे.

महिलेने हिंमत दाखवत भोंदू बाबाची पोलिसात तक्रार दिली. त्यानंतर गुन्हा दाखल करत भोंदूबाबाला अटक करण्यात आली आहे. सदरील भोंदूबाबा त्याच्या भागात मामा म्हणून प्रसिद्ध आहे. त्याच्या टार्गेटवर कष्टकरी आणि गरीब लोक असायचे. तो नेहमी साधारण चहा टपरीवर थांबायचा आणि तेथे लोक घरातील समस्या बोलत असताना. मी काळी जादू करतो म्हणून त्यांना हेरायचा अन् डाव साधायचा, असे तपासात समोर आले आहे.