Shiv Sena MLA Disqualification

नवाब मलिक सत्ताधारी बाकावर बसल्यामुळे राज्यातील राजकारण तापलं असतानाच हा विषय शिवसेना आमदार अपात्रेच्या सुनावणीपर्यंत पोहोचला आहे. नागपूरमध्ये सरू असलेल्या विधीमंडळ अधिवेशनात विधानसभा अध्यक्षांसमोर शिवसेना आमदार अपात्रतेची सुनावणी सुरू आहे. ठाकरे गटाचे वकील अ‍ॅड.. देवदत्त कामत यांच्याकडून शिंदेगटाच्या आमदारांची उलटतपासणी घेतायेत. आमदार दिलीप लांडे यांची कालपासून उलटतपासणी सुरू आहे. दरम्याज आज पुन्हा अ‍ॅड.. देवदत्त कामत यांनी दिलीप लांडे यांना, नवाब मलिक यांना सत्तेत सामावून घेण्याबाबत आक्षेप नोंदवला होता का, असा प्रश्न विचारून कोंडीत पकडण्याचा प्रयत्न केला.

अ‍ॅड. देवदत्त कामत यांनी एक अटेंडंटशिट सादर केली, जी २१ जून २०२२ रोजी झालेल्या बैठकीची होती. या अटेंडंटशिट २३ आमदारांच्या सह्या आहेत. एकनाथ शिंदे यांना गटनेतेपदावरून हटवण्याचा प्रस्ताव या बैठकीत मांडण्यात आला होता. ज्याला उपस्थित २३ आमदारांनी अनुमोदन दिलं होतं. आमदार दिलीप लांडे यांनी मात्र या ठरावावर आपली खोटी स्वाक्षरी केल्याचा दावा केला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आपला पक्ष आणि शिवसेनेतील पदाधिकारी यांच्यात मोठी नाराजी आहे. पोलिसांच्या पोस्टिंग प्रकरणी तत्कालीन गृहमंत्री अनिल देशमुख तुरुंगात होते त्याचप्रमाणे तत्कालीन मंत्री नवाब मलिक यांचे दाऊद सोबत संबंध होते. या दोन कारणामुळे पक्षात नाराजी होती. सध्याच्या महायुतीत नवाब मलिक यांना सामावून घेण्याबाबत आक्षेप नोंदवला होता का?असा प्रश्न अ‍ॅड. देवदत्त कामत यांनी दिलीप लांडे यांना विचारला. त्यावर दिलीप लांडे यांनीही तेवढ्याच ठामपणे ते सत्तेत नसल्याचं उत्तर दिलं आहे.