सचिन बनसोडे -

शिर्डी: राज्यभरात परतीच्या पावसाने (Heavy Rain) धुमाकुळ घातला आहे. ऐन पिक काढणीच्या वेळेत आलेल्या पावसामुळे शेतकऱ्यांचे (Farmers) प्रचंड नुकसान झालं आहे. तर पुण्यासारख्या शहरांमध्ये मुसळधार पावसामुळे रस्त्यांना देखील नद्यांच स्वरुप आलं आहे.

पुण्यासह (Pune) पश्चिम महाष्ट्रामध्ये पावसाने थैमाण घातलं असतानाच आता उत्तर नगर जिल्ह्यात देखील पुन्हा ढगफुटी सदृष्य पाऊस पडला असून या पावसामुळे शिर्डीतील रस्ते पुन्हा जलमय झाले आहेत. या पावसाचा अनेक गावांना फटका बसला आहे.

पाहा व्हिडीओ -

तर राहाता, कोपरगाव, संगमनेर (Sangamner) तालुक्यात रात्रभर मुसळधार पाऊस सुरु असल्याने शेतीसह रस्ते पाण्यात गेले आहेत तर अनेक नागरिकांच्या घरात देखील पाणी शिरलं आहे. त्यामुळे या पावसाने सर्वसामान्यांचे जनजीवन विस्कळीत केलं आहे.

शिर्डीसह शिरूर तालुक्यातील रांजणगाव (Ranjangaon) परिसरात देखील ढगफुटी सदृश्य पावसाने हैदोस घातला आहे. मागच्या तीन दिवसांपासुन सातत्याने ढगफुटी सदृश्य पावसाने ज्वारीचे पिकं पाण्यात गेलं आहे. तर शेतीला तळ्याचे स्वरूप आले आहे.

उन्हाळी जनावरांना चारा आणि कुटुंबाला वर्षभरासाठी धान्य मिळावं यासाठी ज्वारीची दुहेरी भुमिका असते या यंदा पाऊसाच्या अतिवृष्टीने उभी पिकं पाण्यात गेलीय त्यामुळे पुढील काळात जनावरांच्या चारासह धान्याचीही चणचण भासणार असून शासनाने यासाठी भरीव मदत करावी अशी मागणी शेतकऱ्यांकडून केली जात आहे.

दरम्यान, बीडच्या (Beed) माजलगाव तालुक्यात मध्यरात्री झालेल्या जोरदार पावसाने, गाव खेड्यातील अनेक नद्यांना पूरस्थिती आली आहे. त्यामुळे अनेक गावांचा संपर्क तुटला आहे. माजलगावच्या उमरी गावपरिसरातील सरस्वती नदीला पूर आल्याने, उमरी गावचा संपर्क तुटला असून गावातही नदीपात्राचे पाणी शिरल्यामुळे माजलगावसह जिल्ह्यातील शेतकऱ्यांच्या पिकांचे प्रचंड नुकसान झालं आहे.