हिंदुत्वाचा झंझावात निर्माण करणाऱ्या बाळासाहेबांनी याचं साबिर शेख यांना 1995 मध्ये भाजप-सेना युती सरकारमध्ये कामगार आणि रोजगार मंत्री केलं होतं...त्याच सरकारमध्ये मांडीला मांडी लावून बसलेल्या भाजपानं आता मुस्लीम महापौर केल्यानं ठाकरेसेनेची तुलना थेट औरंगजेबाशी केलीय. तर दुसरीकडे शिंदेसेनेनेही ठाकरेसेनेला मुस्लीम महापौर दिल्यानं चांगलचं घेरलयं.

दुसरीकडे विरोधकांच्या टीकेला राऊतांनी प्रत्युत्तर देत...तुमच्यासारख्या गद्दारांपेक्षा निष्ठावान मुस्लीम परवडला अशी टीका केलीय..

मात्र परभणी महापालिकेत मुस्लीम महापौर देण्यामागचं गणित नेमकं काय आहे? पाहूयात..

परभणीत 65 पैकी 29 नगरसेवक हे मुस्लीम समाजाचे आहेत.. त्यामध्ये ठाकरेसेनेचे 25 पैकी 13 नगरसेवक हे मुस्लीम आहेत... काँग्रेसचे 12 पैकी 8 नगरसेवक हे मुस्लीम समाजाचे आहेत... दादांच्या राष्ट्रवादीचे 11 पैकी 6 नगरसेवक मुस्लीम आहेत.. तर दोन अपक्ष मुस्लीम नगरसेवक आहेत.. त्यामुळे काँग्रेस आणि ठाकरेसेनेच्या 37 पैकी 21 नगरसेवक हे मुस्लीम असल्यानं परभणी ठाकरेंना मुस्लीम महापौर द्यावा लागलाय...

कधीकाळी हिंदूत्वाची कास धरणाऱ्या बाळासाहेबांनी विश्वासानं साबिर शेख यांना शिवसेनेकडून तब्बल 15 वर्ष आमदारकी तर 5 वर्षांसाठी मंत्रीपदाची जबाबदारी सोपवली होती...त्यामुळे सय्यद इक्बाल यांच्या निमित्ताने परभणीत पुन्हा नव्याने समीकरण जुळवण्याचा प्रयत्न ठाकरेसेनेने केला आहे.