नदीपात्रात मासेमारी करण्यासाठी गेलेल्या तरुणावर अचानक शार्क माशाने हल्ला चढवला. 200 किलोहून अधिक वजनाच्या माशाने थेट तरुणाच्या पायाचा लचकाच तोडला. या हल्ल्यात तरुण गंभीर जखमी झाला असून त्याच्यावर रुग्णालयात उपचार सुरू आहे. थरकाप उडवणारी ही घटना पालघर तालुक्यातील वैतरणा खाडीत घडली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
विकी गोवारी (वय ३२) असं जखमी झालेल्या तरुणाचं नाव असून त्याची प्रकृती चिंताजनक असल्याचं कळतंय. या घटनेमुळे स्थानिकांमध्ये भीतीचं वातावरण पसरलं. मिळालेल्या माहितीनुसार, मनोर येथील सायलेंट हॉटेल जवळील वैतरणा खाडीत मंगळवारी (१३ फेब्रुवारी) विकी हा मासेमारी करण्यासाठी गेला होता.
खाडीतील पाण्यात मासेमारी करीत असताना अचानक शार्क माशाने त्याच्यावर हल्ला केला. या हल्यात विकीचा पाय जवळपास एक-दीड फूट कुरतडला गेला. मोठ्या प्रमाणात रक्तस्त्राव झाल्याने तो बेशुद्ध पडला. (Latest Marathi News)
त्याच्यासोबत इतर तरुणांनी जीवाची बाजी लावत त्याची शार्क माशाच्या तावडीतून सुटका केली. तसेच त्याला तातडीने उपचारासाठी रुग्णालयात दाखल केले. दरम्यान, शार्क माशाने हल्ला केल्याची घटना परिसरात वाऱ्यासारखी पसरली.
अनेकांनी मनोर येथील सायलेंट हॉटेलजवळ गर्दी केली. मंगळवारी समुद्राला उधाण असून याच उधानाच्या पाण्यासोबत हा महाकाय मासा या नदीपात्रात आला होता. उधानाचे पाणी कमी झाल्यानंतर सायंकाळच्या सुमारास हा मासा मृत अवस्थेत आढळून आला. या माशाला पाहण्यासाठी स्थानिकांनी मोठी गर्दी केली होती.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.