Shambhuraj Desai News : ललित पाटील (lalit patil) प्रकरणात सुषमा अंधारे (sushma andhare) यांनी केलेलं वक्तव्य 24 तासात मागे घ्यावे अन्यथा कायदेशीर प्रक्रियेला सामोरे जावे असा इशारा राज्याचे उत्पादन शुल्क मंत्री शंभूराज देसाई (shambhuraj desai latest marathi news) यांनी अंधारे यांना दिला आहे. साम टीव्हीशी बाेलताना मंत्री देसाईंनी अंधारेंनी केलेली सर्व आराेप फेटाळून लावलेत. (Maharashtra News)

मंत्री शंभूराज देसाई म्हणाले सुषमा अंधारे यांचे वक्तव्य हास्यास्पद आहे. ललित पाटील प्रकरणाशी माझा तीळ मात्र ही संबंध नाही. त्यामुळे बेजबाबदार वक्तव्य करुन त्या समाजात माझी प्रतिमा खराब करण्याचे काम श्रीमती अंधारे करीत आहेत.

त्यांचावर लवकरच माझ्या कायदेशीर सल्लागाराशी चर्चा करुन पुढची कायदेशीर कारवाई करणार असल्याचे शंभूराज देसाई यांनी सांगितले. दरम्यान आम्हांला (दादा भुसे आणि मला) बदनाम करण्याचे काम तात्काळ अंधारेंनी थांबवावे असेही मंत्री देसाईंनी स्पष्ट केले.

Edited By : Siddharth Latkar