Karad News : गडबडीत फाईल क्लिअर केल्या की 70 हजार कोटी खर्च करून 1 टक्काही काम होत नाही असा अनुभव पृथ्वीराज चव्हाण (prithviraj chavan) यांनी मुख्यमंत्री असताना आणि अजित पवार (ajit pawar) हे उपमुख्यमंत्री असताना सांगितला हाेता. त्यावेळी 70 हजार कोटी खर्च करून एक टक्का देखील जमीन सिंचनाखाली आली नव्हती.

घाई गडबडीत फाईल क्लिअर केल्यावर पृथ्वीराज चव्हाण म्हणतात तसं हाेते, त्यामुळे आम्ही गतीने नव्हे गांभीर्याने काम करताे असा चिमटा साता-याचे पालकमंत्री शंभूराज देसाईंनी विराेधी पक्ष नेत्यांच्या (ajit pawar in satara) मुख्यमंत्र्याच्या (eknath shinde) 65 फाईल क्लिअर केल्यावरील टीकेवर काढला. (Maharashtra News)

साेमवारी (ता. 8) अजित पवार यांनी एकनाथ शिंदे यांच्या कामकाजावर टीका केली. मुख्यमंत्री गावी आले असताना दाेन, तीन दिवसांत 65 फाईल्स क्लिअर केल्या म्हणे आम्ही त्या दाेन तीन तासांत करताे असे पवार यांनी म्हटलं. त्यावर आज कराड येथे माध्यमांनी पालकमंत्री शंभूराज देसाईंना छेडले.

आम्ही चार चार वेळा बघून फाईल क्लिअर करतो. पब्लिक इंटरेस्ट फाईल असेल तर तात्काळ निर्णय घेण्याचा आमचा प्रयत्न असताे. आम्हांला लोकांचं हित महत्वाचं आहे. राज्याच्या तिजोरीतील पैसा योग्य प्रमाणात खर्च झाला पाहिजे याची खबरदारी आम्ही घेतो. मुख्यमंत्री सुट्टीवर गावी आले असताना त्यांच्या गावची यात्रा असताना त्यांनी कामकाज सुरु ठेवले. त्यावेळी त्यांनी 65 फाईल्स क्लिअर केल्या हे अजितदादांना याची माहिती नसेल असे देसाईंनी नमूद केले.

Edited By : Siddharth Latkar