नागपूर : शालार्थ आयडी घोटाळ्याप्रकरणी बनावट शिक्षकांवर लवकरच कारवाईची प्रक्रिया सुरू होणार आहे. या संदर्भातील तब्बल 150 अर्जांची तपासणी आणि संबंधितांचा जबाब घेणे सुरू असल्याची माहिती सूत्रांनी दिली. या घोटाळ्यात बनावट नियुक्तीपत्रांच्या आधारे तब्बल ६८० शिक्षक नियमितपणे पगार घेत असल्याचे समोर आले आहे. शासनाची लाखो रुपयांची फसवणूक या माध्यमातून झाल्याचे उघड झाले आहे.

दरम्यान, या शिक्षकांवर गणेश विसर्जनानंतर कारवाई होणार असल्याचे प्रशासनातील सूत्रांनी सांगितले आहे. पगाराच्या स्वरूपात देण्यात आलेले पैसे वसूल करण्यासाठीही प्रक्रिया राबवण्यात येणार आहे. या कारवाईमळे बोगस शिक्षकांचे धाबे दणाणले आहे.