- सुशील थोरात

Nagar News : नगर जिल्ह्यातील तिसगाव बस स्थानकाच्या परिसरात उभे असलेल्या दोन अल्पवयीन मुलींची छेडछाड केल्याचा प्रकार दोन दिवसांपूर्वी घडला होता. या छेडछाडीचा व्हिडिओ व्हायरल झाल्यानंतर तिसगाव परिसरात संतापाची लाट उसळली होती. (Maharashtra News)

याप्रकरणी हिंदुत्ववादी संघटनेच्या वतीने तिसगाव बंदचे (tisgaon bandh) आवाहन करण्यात आले होते. तसेच तिसगाव मधील शाळा कॉलेजमधील विद्यार्थ्यांनी मोर्चा काढून पोलीस स्टेशनवर नेला. यावेळी आंदाेलकांनी समाजकंटकांवर कारवाई करावी अशी मागणी केली.

शहबाज पठाण असे छेड काढलेल्या संशयित तरुणाचे नाव असून पोलिसांनी त्याच्यावर छेडछाडीचा गुन्हा दाखल केला आहे अशी माहिती पाेलिसांनी दिली. यापूर्वी त्याच्यावर पाथर्डी पोलीस स्टेशनला छेडछाडीचे गुन्हे दाखल असल्याची माहिती पोलिसांनी दिली.

पठाण हा वारंवार असे प्रकार करत असल्याने एखादी मोठी घटना भविष्यात घडू शकते. त्यामुळे त्याच्यावर योग्य ती कठोर कारवाई करावी अशी मागणी तिसगाव येथील ग्रामस्थांनी केली आहे.

दरम्यान या घटनेवर आमदार राेहित पवार (Rohit Pawar) यांनी चिंता व्यक्त केली आहे. त्यांनी केलेल्या ट्विटमध्ये सरकारने विराेधी पक्ष फाेडण्यापेक्षा राज्यात महिला आणि मुलींच्या सुरक्षिततेला प्राधान्य द्यावे असं म्हटलं आहे.

Edited By : Siddharth Latkar