साताऱ्यातील डॉक्टर महिला मृत्यू प्रकरणाच्या तपासाचा वेग पोलिसांनी वाढवला आहे. पोलिसांकडून या प्रकरणातील दोन्ही आरोपींची चौकशी करण्यात येत आहे. सातारा पोलिसांकडून आरोपी बनकरची आणखी काही दिवस पोलीस कोठडी मागत आहेत. दुसरीकडे बदनेने त्याचा मोबाईल पोलिसांकडे जमा केलेला नाही. त्याचा मोबाईल शोधणे आता पोलिसांचा मुख्य उद्देश आहे.

दोन्ही आरोपींवर आत्महत्येला प्रवृत्त करण्याचा गुन्हा दाखल आहे. पोलिसांना त्यात पोस्टमार्टमचा अहवाल देखील प्राप्त झालेला आहे. गळफास घेऊन आत्महत्या हेच अहवालातून समोर आलं आहे. या प्रकरणातील संशयित आरोपी प्रशांत बनकर याची पोलीस कोठडी आज संपत आहे. त्याला कोर्टामध्ये हजर करण्यात येणार आहे.

पोलिसांकडून आरोपी बनकरची वाढीव पोलीस कोठडीची मागणी करण्यात येणार आहे. डॉक्टर महिलेच्या हातावरील हस्ताक्षरचा अहवाल अजून प्राप्त झालेला नाही. हॅन्ड रायटिंग एक्सपर्टचे सीआयडी त्यांच्याकडून अहवाल मागवण्यात आलाय. मात्र त्याला वेळ लागू शकतो. तपासात गोपाळ बदनेचा मोबाईल मिळवणे हा एक तपासाचा मुख्य उद्देश आहे, असं पोलिसांकडून सांगण्यात आलं आहे.

पोलिसांना या प्रकरणातील तिघांचे सीडीआर रिपोर्ट हाती आले आहेत. आता पोलिसांकडून डिजिटल पुरावे गोळा करण्याचंही काम सुरु आहे.आरोपी गोपाळ बदने आणि डॉक्टरचं आत्महत्येआधी काय बोलणं झालं होतं, याचा तपशील मिळवण्यावर पोलिसांचा भर आहे. डॉक्टर महिलेचं आत्महत्येआधी पीएसआय बदनेशी बोलणं झाल्याचीही माहिती समोर आली आहे. या प्रकरणात फॉरेन्सिक अहवाल आल्यानंतर आणखी नवा खुलासा होण्याची शक्यता आहे.