Bihar Elections : लाडक्या बहि‍णींना २५०० रुपये, मोफत वीज, सरकारी नोकरी; इंडिया आघाडीच्या जाहीरनाम्यात नेमकं काय?

बिहार विधानसभा निवडणुकीसाठी इंडिया आघाडीने मंगळवारी जाहीरनामा जाहीर केला. इंडिया आघाडीने या जाहीरनाम्याला 'तेजस्वी प्रण'असं नाव दिलं आहे. इंडिया आघाडीने एका पत्रकार परिषदेत या जाहीरनाम्याची घोषणा केली. इंडिया आघाडीच्या प्रमुख नेत्यांच्या उपस्थितीत जाहीरनामा जाहीर केला. या जाहीरनाम्यातून २५ आश्वासने दिली आहेत. यात सरकारी नोकरी, पेन्शन, २०० युनिट मोफत वीज घोषणांचा समावेश आहे.

बिहारमध्ये तेजस्वी यादव हे इंडिया आघाडीचं नेतृत्व करत आहे. जाहीरनाम्यात दिलेले आश्वासन पूर्ण करण्यासाठी झोकून देऊ, असा दावाही त्यांनी केला. बिहारमध्ये भाजपचे नेते आणि भ्रष्ट अधिकाऱ्यांनी नितीश कुमार यांची बाहुल्यासारखी अवस्था केली आहे. भाजपने त्यांच्या चेहऱ्याचा वापर करून त्यांचा बाहुला केला आहे.

रोजगार आणि सरकारी नोकरी - इंडिया आघाडीने सत्तेत आल्यानंतर २० दिवसांच्या आत तरुणांना सरकारी नोकरी कायदा करण्यात येईल. त्यानंतर सरकारकडून २० महिन्यांच्या आत नोकऱ्या देण्यास सुरुवात केली जाईल.

कम्युनिटी मोबिलायजर्स(CM) दीदी : CM दीदींना कायमस्वरुपी केले जाईल. त्यांना सरकारी कर्मचाऱ्यांचा दर्जा दिला जाईल. त्यांना महिना ३०००० रुपये मानधन देण्यात येईल.

जीविका कॅडर भत्ता - जीविका कॅडरच्या बहिणींना इतर कार्यासाठी महिना २००० रुपयांचा भत्ता दिला जाईल.

कंत्राटी कामगारांना कायम करणे - सर्व कंत्राटी कामगारांना कायमस्वरुपी केले जाईल.

जुनी पेन्शन योजना - जुनी पेन्शन योजना (OPS योजना) लागू केली जाईल.

लाडकी बहीण योजना - लाडकी बहीण योजनेअंतर्गत १ डिसेंबरपासून दरमहा २५०० रुपये आणि पुढील ५ वर्षांसाठी ३०००० रुपये आर्थिक मदत दिली जाईल.

मोफत वीज - बिहारमधील प्रत्येक कुटुंबाला २०० युनिट मोफत वीज दिली जाईल.

आरोग्य विमा - जन आरोग्य सुरक्षा योजनेअंतर्गत प्रत्येक व्यक्तीला २५ लाखापर्यंत मोफत आरोग्य विमा दिला जाईल.

शिक्षण - इयत्ता ८ वी ते १२ वी पर्यंत सर्व गरीब विद्यार्थ्यांना मोफत टॅब्लेट दिले जातील.