संतोष देशमुख प्रकरणाची मोठी अपडेट हाती आली आहे. संतोष देशमुख यांच्या हत्येचा व्हिडिओ, फोटो पोलिसांकडून हस्तगत करण्यात आले आहेत. संतोष देशमुख यांच्या हत्येचे हेच क्रूर फोटो समोर आले आहेत. या फोटोनंतर एकच खळबळ उडाली आहे. संतोष देशमुख यांची लोखंडी रॉडने मारून हत्या केल्याचे उघड झाले आहे. देशमुख यांच्या हत्येचे १५ व्हिडिओ आणि ८ फोटो हाती आले आहेत. संतोष देशमुख यांच्या मारेकऱ्यांचेही फोटो समोर आले आहेत.

बीडच्या मस्साजोगचं सरंपच संतोष देशमुख यांच्या क्रूर हत्येचे पुरावे 'साम'च्या हाती आले आहेत. संतोष देशमुख यांची हत्या करण्यापूर्वी त्यांच्यावर अमानुष अत्याचार करण्यात आले. त्यांना लोखंडी रॉडने मारहाण करण्यात आली होती. देशमुखांची निर्घृण हत्या केल्यानंतर विकृतांनी एकच उन्माद केल्याचं समोर आलं आहे.

हत्येवेळी नेमकं काय घडलं?

सरपंच संतोष देशमुख यांचे ९ डिंसेबर रोजी अपहरण करण्यात आलं होतं. अपहरण केल्यानंतर त्यांना एका ठिकाणी नेलं. देशमुख यांचं अपहरण केल्यानंतर त्यांना लोखंडी रॉडने मारहाण करण्यास सुरुवात केली होती. त्यांना मारहाण करतानाचा व्हिडिओ देखील काढण्यात आला होता. मारहाणीचा व्हिडिओ कृष्णा आंधळेने एका व्हॉट्सअॅप ग्रुपवर शेअर केला होता. 'मोकारपंती' असे या व्हॉट्सअॅप ग्रुपचं नाव होते. या ग्रुपमधील पाच ते सहा जणांनी देशमुखांना होणारी मारहाण पाहिली. या ग्रुपमधील सर्व फोटो आणि व्हिडिओ सीआयडीने आरोपी केदारच्या फोनमधून जप्त केले.

फोटोमध्ये आरोपी सुदर्शन घुले याने संतोष देशमुख यांना माराहण करत असल्याचे स्पष्टपण दिसत आहे. यावेळी संतोष देशमुख यांना विवस्त्र करून मारहाण करण्यात आल्याचे फोटोमध्ये दिसत आहे. देशमुखांचे कपडे काढून कशी वागणूक दिली, अत्याचार केला, हे देखील फोटोमध्ये दिसत आहे. संतोष देशमुख यांना मारहाण करताना सुदर्शन घुले आणि त्याचे सहकारी सुधीर सांगळे, प्रतिक घुले हे हसत आहेत. या तिघांच्या मारहाणीतच संतोष देशमुख यांचा मृत्यू झालाय.