सांगली : नशा आणि उत्तेजककेसाठी बेकायदेशीर वापरल्या जाणाऱ्या ट्रेमीमाईंड औषधी इंजेक्शनचा साठा सांगली पोलिसांनी जप्त करण्यात केला आहे. या कारवाईत दोन लाख पंधरा हजार किंमतीचे ५५८ इंजेक्शने बाटल्या जप्त करत पोलिसांनी ६ जणांना अटक करण्यात आली आहे. या कारवाईमुळे सांगली शहरात खळबळ उडाली आहे. 

नशा करण्यासाठी वेगवेगळ्या अमली पदार्थांचा वापर केला जात असतो. तर काही जण उत्तेजित द्रव्य घेऊन नशा करत असतात. प्रामुख्याने तरुणांकडुन नशा आणि उत्तेजक द्रव्य म्हणून ट्रेमीमाईंड औषधी इंजेक्शनचा वापर करण्यात येत असल्याचे समोर आले आहे. सदरचे औषधी इंजेक्शन ऑनलाईन मागवून ते सांगली, कवठेमहांकाळ आणि आटपाडी या ठिकाणी ज्यादा दराने विक्री करण्यात येत असल्याची माहिती समोर आली आहे.

२ लाख रुपयांपेक्षा साठा जप्त 

दरम्यान याबाबत सांगली पोलिसांना माहिती मिळाल्यानंतर पोलिसांनी कारवाई केली आहे. सांगली शहरातल्या पत्रकारनगर येथे औषधी इंजेक्शन तस्करी करताना संशयिताला पकडत स्थानिक गुन्हे अन्वेषण शाखेने या ड्रग्ज रॅकेटचा पर्दाफाश केला आहे. यामध्ये ५५८ इंजेक्शन बाटल्या ज्याची किंमत २ लाख १५ हजार इतकी असून हा मुद्देमाल पोलिसांनी जप्त केला आहे. तसेच सहा जणांना ताब्यात घेतले आहे. 

रस्त्यावर मद्य प्राशन करणाऱ्यांवर कारवाई 

छत्रपती संभाजीनगर शहरात भर रस्त्यावर दारू पिणाऱ्यांची संख्या वाढली आहे. शहरातील मध्यवर्ती क्रांती चौकात भर दिवसा वरदळीच्या वेळी दारू पीत असतानाचा एक व्हिडिओ सोशल मीडियावर व्हायरल होतोय. भररस्त्यात दारू पिणाऱ्या आणि दारू पिऊन असभ्य वर्तन करणाऱ्या शहरातील ९ ठाण्यांच्या हद्दीत ९४ जणांना पोलिसांनी पकडले आहे. त्यांच्याविरुद्ध मुंबई पोलिस कायद्यानुसार गुन्हा दाखल करण्यात आला आहे.