नागपूर गोवा शक्तीपीठ महामार्गा विरोधात आज (गुरुवार) सांगली येथे आंदोलन करण्यात आले. शेतकरी व सामाजिक संघटनांनी एकत्रित येत राज्य सरकारकडून शक्तिपीठ महामार्गासाठी जमीन संपादित करण्यासाठी जारी करण्यात आलेल्या अधिसूचनेची होळी केली.

शक्तीपीठ महामार्गामुळे सांगली जिल्ह्यातील जवळपास 19 गावातील पाच हजारहून अधिक शेतकऱ्यांची जमीन बाधित होणार आहे. जवळपास बाराशे ते पंधराशे एकर जमीन शेतकऱ्यांची संपादित करण्यात येणार आहे. मात्र या महामार्गाची कोणत्याही परिस्थितीमध्ये आवश्यकता नसल्याचा दावा आंदाेलकांनी केला.

सांगली येथील कष्टकरी दौलत मध्ये या महामार्गाच्या विरोधात बैठक पार पडली. या बैठकीत सांगली जिल्ह्यातल्या सामाजिक संघटनांनी, शेतकऱ्यांनी एकत्रितरित्या शक्तिपीठ विरोधात लढा सुरू ठेवण्याचा निर्णय घेतला.

Edited By : Siddharth Latkar