Sana Khan Murder Case Updates: भाजप अल्पसंख्याक आघाडीच्या पदाधिकारी सना खान हत्या प्रकरणात एक मोठी अपडेट समोर आली आहे. सना खानच्या मृत्यूचे गुढ वाढत असताना आता पोलिसांना एक मोठा पुरावा सापडला आहे. आरोपी अमित साहूच्या कारमधील आणि घरातील सोफ्यामध्ये सापडलेले रक्ताचे डाग हे सना खानचेच असल्याचं तपासात उघड झालं आहे. (Latest Marathi News)

नागपूरच्या (Nagpur) फॉरेन्सिक लॅबमधील तज्ञांनी त्या संदर्भातील गोपनीय अहवाल वरिष्ठ पोलीस अधिकाऱ्यांना सोपवल्याची माहिती आहे. भाजप पदाधिकारी सना खान यांची काही दिवसांपूर्वी मध्यप्रदेशात हत्या करण्यात आली होती. सना खानचा पती अमित साहूने ही हत्या केल्याचा आरोप सनाच्या आईने केला होता.

जबलपूरमधील ज्या घरी सना खानची (Sana Khan) हत्या झाली, तिथल्या सोफ्याच्या फोम मध्ये सुकलेल्या अवस्थेत रक्ताचे डाग आढळले होते. ज्या लाकडी दांडुक्याने अमित साहूने सना खानची हत्या केली. त्यालाही रक्ताचे डाग लागले होते. याशिवाय अमित साहूच्या कारमध्येही पोलिसांना रक्ताचे पुरावे सापडले होते.

दरम्यान, पोलिसांनी (Police) हे पुरावे डीएनए चाचणीसाठी पाठवले होते. आता डीएनए चाचणीचा अहवाल समोर आला असून आरोपी अमित शाहू यांच्या कारमधील रक्ताचे डाग आणि सनाच्या आईच्या रक्ताचे डीएनए जुळले असल्याची माहिती आहे.

सना खान यांचा मृतदेह पोलिसांना अद्यापही सापडला नाही. आरोपी अमित साहू हा वारंवार वेगवेगळी उत्तरे देऊन पोलिसांची दिशाभूल करीत आहे. त्यामुळे डीएनए रिपोर्ट हा मोठा पुरावा ठरणार आहे. याशिवाय अमित साहू याच्या शेजारी राहणाऱ्या महिलेने सुद्धा सना खान यांचा मृतदेह बघितला होता. तो जबाब देखील पोलिसांठी महत्वाचा ठरणार आहे.

Edited by - Satish Daud