Samruddhi Expressway Accident News : समृद्धी महामार्गावर कार चालकाचे नियंत्रण सुटल्यामुळे भीषण अपघात झाला. वर्धामधील सेलूजवळ कंटेनरला कारने पाठीमागून जोरात धडक दिल्याने भीषण अपघात झाला. या अपघातात आई आणि मुलचा मृत्यू झाला आहे. या अपघातानंतर महामार्गावर काही काळ वाहतूक विस्कळीत झाली होती. वर्धामधील सेलू पोलिसांनी वाहतूक सुरळीत केली असून घटनेचा देखील पंचनामा केला आहे. पोलिसांनी मृतदेह पोस्टमार्टमसाठी जवळच्या रूग्णालयात पाठवले.

मिळालेल्या माहितीनुसार, ठाण्यातील कुटुंब नागपूरला कारने निघाले होते. पण समृद्धी महामार्गावर त्यांच्यावर काळाने घाला घातला. अपघाताचे नेमकं कारण अद्याप समजू शकले नाही. चालकाचे नियंत्रण सुटल्यामुळे कारने समृद्धी महामार्गच्या मिडल लाईन मधील समोर चालत असलेल्या कंटेनरला मागून धडक दिली.

घटनेची माहिती मिळताच महामार्ग पोलिसांच्या उपनिरीक्षक दिलीप थाटे प्रकाश चौधरी हे घटनास्थळी दाखल झाले. धडक इतकी भीषण होती की, कारमधील दोघांचा मृत्यू झाला.

घटनेनंतर समृद्धी महामार्गवरील वाहतूक काही वेळ विस्कळीत झाली होती. महामार्ग पोलिसांनी तात्काळ दखल घेत क्रेनच्या सहाय्याने कारला बाजूला करत वाहतूक सुरळीत केली. घटनेची नोंद सेलू पोलिसात करण्यात आली आहे.