मनोज जैस्वाल, वाशिम प्रतिनिधी

Washim Samruddhi highway accident details : समृद्धी महामार्गावरून मुंबईहून नागपूरला जाताना भीषण अपघात जाला आहे. यामध्ये बाप अन् मुलाचा जागेवरच मृत्यू झाला. म्यानमारहून सहा जण महाराष्ट्रात आले होते, नागपूरला जाताना त्यांच्या महागड्या कारचा भयानक अपघात झाल. मृतामध्ये १० वर्षांच्या मुलाचाही समावेश आहे. या अपघातात तीन जणांना दुखापत झाली आहे. गाडीवरील नियंत्रण सुटल्याने अपघात झाल्याची प्राथमिक माहिती मिळाली आहे. (Inova car hits divider on Samruddhi Expressway)

वाशिम जिल्ह्यातून जाणाऱ्या समृद्धी महामार्गावर भीषण अपघात झाला आहे. या भीषण अपघातात म्यानमार येथील 2 विदेशी नागरिकांचा मृत्यू झालाय. वाशिमच्या मालेगाव तालुक्यातील चॅनल 232 वर चालकाचे गाडीवरील नियंत्रण सुटल्याने गाडी डिव्हायडरला धडकून हा भीषण अपघात झाला आहे. इनोव्हा गाडीतून सहा विदेशी नागरिक होते. यात दोन महिला, तीन पुरुष आणि एक दहा वर्षीय मुलांचा समावेश आहे. हे सहा विदेशी नागरिक मुंबईवरून नागपूरला जात होते. त्यावेळी काळाने घाला घातला.

वाशिममध्ये झालेल्या या भीषण अपघातात 2 विदेशी नागरिक जागीच ठार झाले तर इतर तीन जखमी झाले आहेत. ड्रायव्हरसह एक विदेशी नागरिक सुखरूप आहेत. अपघातात गाडीचा समोरील भाग चक्काचूर झाला होता..दोन्ही मृतदेह वाशिमच्या जिल्हा सामान्य रुग्णालयात पोस्टमार्टमसाठी आणण्यात आले आहेत. जखमींवरही उपचार सुरू आहेत. अपघातानंतर समृद्धी महामार्गावर काही काळ वाहतूक कोंडी झाली होती. पोलिसांनी तात्काळ धाव घेत मदतकार्य केले. पोलिसांकडून जखमी प्रवाशांचे जबाब नोंदवण्यात आले आहेत.