Kharat case controversy, Sambhaji Bhide statement : एसआयटीच्या दणक्यानं खरात पोपटासारखा बोलायला लागलाय. काळ्या कारनाम्यांची माहिती द्यायला लागला. त्याच दरम्यान आता खरातला मारुन मोकळं व्हा, असं वक्तव्यच संभाजी भिडेंनी केलंय. त्यावरचा हा स्पेशल रिपोर्ट.

ज्योतिषशास्त्राच्या नावावर महिलांना गंडा घालणारा... त्यांचं शोषण करणाऱ्या विकृत खरातच्या मुसक्या आवळल्यानं त्याच्या काळ्या कारनाम्यांचं बिंग फुटलं... आता एसआयटी चौकशीत राजकीय नेते... प्रशासकीय अधिकाऱ्यांसोबतचं कनेक्शन उघड होण्याची शक्यता असतानाच संभाजी भिडेंनी मात्र पाखंडी खरातला मारुन टाका आणि मोकळं व्हा, असं वक्तव्य केलंय.. दुसरीकडे मंत्र्यांना वाचवण्यासाठीच भिडेंनी हे वक्तव्य केल्याचा आरोप काँग्रेस नेते विजय वडेट्टीवारांनी केलाय..

खरंतर एका बाजूला एसआयटी चौकशीमुळे खरातचा पाय खोलात गेलाय.. आतापर्यंत खरातविरोधात 8 तर सिन्नर आणि वावी पोलीस ठाण्यात आणखी 2 अशा 10 एफआयआर दाखल झाल्या आहेत.. त्यामुळे फक्त महिलांचं शोषणच नाही तर जमीन खरेदी विक्रीचं रॅकेट... शेतकऱ्यांच्या जमीनी लुटण्याचा गोरखधंदा उघड होतोय..एवढंच नाही तर खरातनं नरबळी दिल्याचाही संशय व्यक्त केला जातोय... त्यामुळे या सगळ्यांची चौकशी होऊन खरातला फाशी व्हावी ही मागणी होत असतानाच आता संभाजी भिडेंनी खरातला मारुन टाकण्याची भाषा केलीय.. त्यामुळे भिडेंचा हा संताप आहे की बड्या मंत्र्यांना वाचवण्यासाठीचा त्रागा? याचीच चर्चा रंगलीय.

ब्युरो रिपोर्ट, साम टीव्ही न्यूज...