कराड उत्तर विधानसभा मतदारसंघात बाळासाहेब पाटील यांना राष्ट्रवादी शरद पवार गटाकडून उमेदवारी मिळाली आहे. तर त्यांच्याविरोधात भाजपचे मनोज घोरपडे उभे आहेत. 20 तारखेला मतदान झाल्यानंतर आता एक्झिट पोलची आकडेवारी यायला सुरुवात झाली आहे. यात कराड उतरमध्ये भाजपला हार मानवी लागू शकते, असं दिसत आहे.

कराड उत्तर मतदारसंघात शरद पवार यांच्या पक्षाचं वर्चस्व आहे. त्याचबरोबर बाळासाहेब पाटील यांचा देखील या भगत दांडगा जनसंपर्क आहे. त्यामुळे सकाळच्या एक्झिट पोलच्या आकड्यांनुसार या ठिकाणी संभाव्य आमदार म्हणून बाळासाहेब पाटील यांच्या नावाला पसंती मिळत आहे. त्यामुळे शरद पवार यांचा हा गड राखला जाण्याची शक्यता आहे.

भाजपने या मतदारसंघासाठी पूर्ण ताकद लावली आहे. महायुती आणि भाजपकडून इच्छुक असलेल्याना भाजपने एकत्र केलं आहे. त्याचबरोबर खासदार उदयनराजे आणि आमदार शीवेन राजे यांची देखील ताकद एकत्र केल्याने मनोज घोरपडे यांनी बाळासाहेब पाटील यांना मोठं आव्हान दिलं आहे.

असं असूनही बाळासाहेब पाटील यांचा या मतदारसंघात असलेला जनसंपर्क आणि साखर कारखान्याच्या कार्यक्षेत्राच्या जिवावर बाळासाहेब पाटील पुन्हा एकदा याठिकाणी निवडणून येण्याची शक्यता आहे.