मराठवाड्यातील दुसरा मतदारसंघ असणाऱ्या उस्मानाबादची जोरदार चर्चा होती. या उस्मानाबाद विधानसभा मतदारसंघात चुरशीची लढाई झाल्याचं बोललं जात आहे. सकाळ समूहाच्या एक्झिट पोलनुसार, या मतदारसंघात ठाकरे गटाचं पारडं जड असण्याची शक्यता आहे.
उस्मानाबाद विधानसभा मतदारसंघात ठाकरे गट विरुद्ध शिंदे गट अशी लढाई झाली. मागील विधानसभा निवडणुकीत कैलास पाटील यांनीच बाजी मारली होती. शिवसेना फुटीनंतर कैलास पाटील यांनी उद्धव ठाकरेंना साथ दिली. या मतदारसंघात शिंदे गटाकडून अजित पिंगळे यांना उमेदवारी मिळाली होती.
ठाकरे विरुद्ध शिंदे गट असा सामना मतदारसंघात झाला. या सामन्यात ठाकरे गटाच्या कैलास पाटील यांनी बाजी मारल्याचं दिसतंय. कैलास पाटील यांनी लोकसभा निवडणुकीत मतदारसंघाची बांधणी केली. लोकसभेत ओमराजे निंबाळकर यांची प्रचारयंत्रणा कैलास पाटील यांच्याकडे होती. त्यामुळे या मतदारसंघात त्यांना मोठा वेळ मिळाला. अजित पिंगळे हे याआधी भाजपमध्ये होते. या मतदारसंघातील महायुतीतील अंतर्गत नाराजीचा फायदा कैलास पाटील यांना झाल्याचं बोललं जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.