सिद्धेश म्हात्रे -

रायगड : रशिया आणि युक्रेन (Russia and Ukraine) मध्ये सुरू झालेल्या युद्धाचे सर्व जगावरती परिणाम होत आहेत. त्यामध्ये जगभरातील शेअर बाजाराला बसला आहे. तसंच कच्चा तेलाच्या किंमती देखील वाढल्या आहेत. दरम्यान, कोरोना (Corona) संकटानंतर सावरण्याचा प्रयत्न करणाऱ्या भारतीय अर्थव्यवस्थेला (Indian economy) या मंदीच्या वातावरणाचा फटका बसण्याची चिन्ह दिसत आहेतच मात्र या युद्धाचा सर्वसामान्यांच्या जीवणावर देखील परिणाम होणार आहे.

कारण या युद्धामुळे दैनंदिन वापरातील खाद्यतेलाच्या (Edible oil) किमतींमध्ये मोठी वाढ होत आहे. युक्रेनमधून मोठ्याप्रमाणात सनफ्लॉवरच्या कच्या तेलाची आयात केली जाते. मात्र युद्ध सुरू झाल्याने ही आयात थांबण्याची शक्यता असून यामुळे सनफ्लॉवर तेलाच्या किंमती गगनाला भिडणार आहेत.

मागील काही दिवसातच 2000 रुपयांना भेटणारे सनफ्लॉवर तेल आता 2300 रुपयांवर पोहोचले आहे. येत्या काही दिवसात हे युद्ध न थांबल्यास या किंमतीमध्ये अधिक वाढ होण्याची शक्यता व्यापारी व्यक्त करत आहेत.

Edited By - Jagdish Patil