Radhakrishna Vikhe On Uddhav Thackeray : उध्दव ठाकरे यांनीच पहिल्यांदा विश्वासघात करून भाजपच्या पाठीत खंजीर खूपसून मुख्यमंत्री पद मिळवले होते. सत्ता गेल्यामुळे ते वैफल्यग्रस्त झाले आहेत. त्यामुळे ते खालच्या पातळीवर टीका करत आहे. त्यांची बौद्धिक दिवाळखोरी निघाली आहे अशी, टीका महसूल मंत्री राधाकृष्ण विखे पाटील यांनी केली. (Latest Marathi News)

राधाकृष्ण विखे पाटील यांच्या हस्ते आज सांगोला येथे मराठी ग्रामीण साहित्य संमेलनाचे उद्घाटन झाले. त्यानंतर पत्रकारांशी बोलताना त्यांनी ठाकरे गटाचे पक्षप्रमुख उद्धव ठाकरे यांच्यावर जोरदार निशाणा साधला. (Breaking Marathi News)

काय म्हणाले विखे पाटील?

"उद्धव ठाकरे (Uddhav Thackeray) यांनी सत्तेच्या लालसेपोटी मागच्या दाराने जनतेचा भावनेचा विश्वास घात केला. औरंजेबाच्या भूमिकेचे उदात्तीकरण करणाऱ्यांचे समर्थन केले. उध्दव ठाकरे यांनी जनतेची माफी मागी व अशी मुक्ताफळे उधळण बंद करावे", असे महसूल मंत्री विखे पाटील यांनी म्हटले आहे.

"राज्यगीताचा अनादर माझ्याकडून तरी होणार नाही. व्यासपीठावर बसेपर्यंत ते सुरू झाले. याबाबत सूचना करून वाजवणे गरजेचे आहे. त्याबद्दल काही संकेत आहेत. तरीही अनवधानाने झाले, त्याबद्दल दिलगिरी व्यक्त करतो. विरोधी पक्षनेते अजित पवार आक्रमकपणे भूमिका मांडतात पण त्यांनी पातळी सोडू नये", अशी सूचना विखे पाटील यांनी केली. (Maharashtra Political News)

'उध्दव ठाकरेंबद्दल बोलण्याची विखेंची औकात नाही'

उध्दव ठाकरे यांच्याबद्दल बोलण्याची राधाकृष्ण विखे पाटील यांची औकात आहे काय?, असा सवाल विधानपरिषदेचे विरोधीपक्षनेते अंबादास दानवे यांनी विचारला आहे. "शिवसेना प्रमुखांचा चोरलेला धनुष्यबाण घेऊन त्याचं पूजन करायला अयोध्येला चालले आहेत. याआधी उध्दवसाहेब अयोध्येत जाऊन आलेत. त्यांनी मंदिर फिर सरकार अशी घोषणा केली होती, त्यामुळे आता अयोध्येत जाण्यात कोणतंही मोठं काम नाही", असं अंबादास दानवे म्हणाले आहेत.

Edited by - Satish Daud