अमोल कलये 

रत्नागिरी : मंदिरातील दानपेट्या तसेच देवाच्या अंगावरील आभूषणे चोरी केल्या जात असल्याच्या घटना मागील काही दिवसांपासून वाढल्या आहेत. अशात रत्नागिरी शहराच्या मुख्य बाजारपेठेतील श्रीराम मंदिरात रात्रीच्या सुमारास चोरी करण्यात आली असून चोरट्यांनी सीतामाईच्या गळ्यातील मंगळसूत्र लांबविल्याचा धक्कादायक प्रकार समोर आला आहे. 

रत्नागिरी शहरातील नेहमी वर्दळ असलेल्या मुख्य बाजारपेठ परिसरात श्रीराम मंदिर आहे. याच मंदिरात रात्रीच्या सुमारास चोरट्यांनी संधी साधत चोरी केली आहे. मंगळसूत्र चोरताना चोरटा सीसीटीव्हीमध्ये कैद झाला आहे. दरम्यान सकाळी मंदिरात आलेल्या भाविकांच्या हा प्रकार लक्षात आला. चोरीचा प्रकार उघड होताच एकच खळबळ उडाली. चोरीप्रकरणी मंदिर व्यवस्थापनाने शहर पोलिसात खबर दिली आहे. 

पोलिसांकडून तपास सुरु 

पोलिसानी अनोळखी चोरट्याविरुद्ध गुन्हा दाखल केला असून, तपासासाठी पोलीस पथके गठीत करण्यात आली आहेत. चोरटा लवकरच पोलिसांच्या ताब्यात असेल; असा विश्वास शहर पोलीस निरीक्षक विवेक पाटील यांनी व्यक्त केला आहे. चोरटा सीसीव्हीमध्ये कैद झाला असून त्याअनुषंगाने पोलिसांकडून तपास करण्यात येत आहे.

सराईत गुन्हेगारांची काढली धिंड 

नाशिकरोड पोलिसांनी सराईत गुन्हेगार आणि समर्थकांची धिंड काढली आहे. संशयित गुन्हेगार चिमण्याचे जेल बाहेर येताच सेलिब्रेशन केले होते. संशयित गुन्हेगार जेलबाहेर येताच समर्थकांनी जेलच्या गेटवरूनच मिरवणूक काढली. मिरवणुकीचे रिल्स सोशल मीडियावर टाकले, रिल्स व्हायरल झाल्यानंतर पोलीस प्रशासनाला खडबडून जागे झाले. रिल्समधून आरोपींचा शोध घेऊन पोलिसांनी जिथून मिरवणूक काढली तिथूनच शहरात काढली गुन्हेगार आणि समर्थकांची धिंड काढत पोलिसी खाक्या दाखवला.