सिंधुदुर्ग : महाराष्ट्र नवनिर्माण सेनेचे अध्यक्ष राज ठाकरे (Raj Thakceray) सध्या कोकण दौऱ्यावर आहेत. या दौऱ्यादरम्यान सिंधुदुर्गात राज ठाकरे मनसे पदाधिकाऱ्यांवर नाराज असल्याची माहिती समोर आली आहे. पदाधिकाऱ्यांमध्ये मेळ दिसत नाहीये.

अनेकांना मनसेसाठी काम करायचं आहे. मात्र पदाधिकाऱ्यांच्या गोंधळामुळे शक्य होत नसल्याची माहिती मनसे नेते बाळा नांदगावकर यांनी दिली आहे.

सिंधुदुर्ग कणकवली इथे पदाधिकाऱ्यांकडून बैठकीचे ढिसाळ नियोजन करण्यात आलं होतं. तसेच सिंधुदुर्ग मनसेमध्ये गटबाजी आणि विस्कळीतपणा असल्याचं निदर्शनात आलं आहे.सिंधुदुर्गमधील प्रमुख पदाधिकाऱ्यांकडून इतर कार्यकर्त्यांना बैठकीबद्दल निरोपच पोहोचले नाहीत. बैठकीच्या ढिसाळ नियोजनामुळे नाराज झालेले राज ठाकरे बैठकीला उपस्थित राहिले नाहीत. (Latest Marathi News)

मनसे नेते बाळा नांदगावकर, शिरीष सावंत, अविनाश अभ्यंकर, नितीन सरदेसाई यांनी घेतली कणकवलीमध्ये बैठक घेतली.सिंधुदुर्ग मनसे कार्यकारणी एक ते दोन दिवसात बरखास्त होण्याची शक्यता आहे, बाळा नांदगावकर यांनी दिली आहे.

अनेकांना मनसेसोबत काम करायचं आहे. मात्र स्थानिक पदाधिकाऱ्यांच्या गोंधळामुळे ते येऊ इच्छित नाहीत. पक्षप्रमुखांच्या ही बाब लक्षात आली आहे. मात्र चांगली लोकं या पदाधिकाऱ्यांमुळे पक्षात येत नाहीयेत.त्यामुळे कुठेतरी हा निर्णय घ्यावा लागेल आणि त्या निर्णयापर्यंत पक्षप्रमुख पोहोचले आहे. कार्यकारिणी बरखास्त करण्याबाबतचा निर्णय पक्षप्रमुखांचा आहे, त्याबाबत ते निर्णय घेतील, असं बाळा नांदगावकर यांनी म्हटलं.