Manasvi Choudhary
साडी नेसणं ही देखील एक कला आहे. साडीमध्ये देखील तुम्हाला परफेक्ट दिसायचं असेल तर तुम्ही परफेक्ट साडी नेसणं गरजेचे आहे.
साडीचे देखील अनेक प्रकार आहेत तुम्ही विविध प्रकारे खास साडी नेसू शकता. ब्राम्हणी नऊवारी साडी हा सध्या ट्रेडिंगचा साडी नेसण्याचा प्रकार आहे.
ब्राम्हणी स्टाईल नऊवारी साडी नेसणे अनेकांना जमत नाही यासाठी आज आम्ही तुम्हाला साडी नेसण्याच्या काही सोप्या टिप्स सांगणार आहोत.
सर्वातआधी ब्राम्हणी साडी हा नऊवारी साडी स्टाईल असल्याने या साडीमध्ये पेटीकोट न घालता तुम्हा पॅन्ट किंवा लेगींज घालावी लागणार आहे.
सुरूवातील साडीचा एक टोक उजव्या बाजूने कमरेभोवती गुंडाळायचा आहे. यानंतर समोरच्या बाजूने साडीची गाठ मारा.
साडीची गाठ माल्यानंतर उरलेला साडीचा भाग दोन्ही पायांच्या मधून मागे न्यायचा आहे. पाठच्या बाजूला काठाच्या मदतीने साडीच्या निऱ्या काढून कमरेत खोचा. यालाच कास्टा असे म्हणतात. तो नीट असावा यामुळे साडी छान दिसते.
आता समोर उरलेल्या साडीच्या भागातून पदर काढा. पदराच्या निऱ्या करून तो डाव्या खांद्यावर पिनअप करा. ब्राम्हणी साडीचा पदर थोडा लांब ठेवल्यास तो अधिक सुंदर दिसतो.
पदर लावल्यानंतर जो मधला भाग उरतो, त्याच्या निऱ्या करा. या निऱ्या करताना त्या डाव्या बाजूला झुकलेल्या असाव्यात. या निऱ्यांना 'ओचा' म्हणतात. या निऱ्या नीट करून कमरेत खोचा.
ब्राम्हणी स्टाईलमध्ये समोरचा भाग थोडा वर उचललेला असतो. पायांजवळ साडी व्यवस्थित सेट करा जेणेकरून चालताना अडथळा येणार नाही.