रायगडमध्ये दहावीच्या विद्यार्थ्याने टोकाचे पाऊल उचलत जीवन संपवल्याची घटना घडली आहे. रायगडच्या महाडमध्ये ही धक्कादायक घटना घडली आहे. या घटनेमुळे महाडमध्ये खळबळ उडाली आहे. घटनेची माहिती मिळताच महाड पोलिसांनी घटनास्थळी धाव घेत तपास सुरू केला आहे. या विद्यार्थ्याच्या आत्महत्येचे कारण अस्पष्ट आहे.
मिळालेल्या माहितीनुसार, महाडच्या ताबट अळीमध्ये सुयश नगरकर (१५ वर्षे) हा आपल्या कुटुंबीयांसोबत राहत होता. सुयश दहावीमध्ये शिकत होता. सुयशने गुरूवारी दुपारी राहत्या घरामध्येच बंदुकीमध्ये गोळी झाडून आत्महत्या केली. डोक्यावर गोळी लागल्यामुळे सुयशचा जागीच मृत्यू झाला. सुयशच्या मृत्यूमुळे त्याच्या कुटुंबीयांना मोठा धक्का बसला. घटनेची माहिती मिळताच महाड पोलिसांनी घटनास्थळी धाव घेतली.
सुयशने वडिलांच्या शिकारीच्या बंदुकीने स्वत:वर गोळी झाडून घेत आत्महत्या केलीचे सांगितले जात आहे. ही बंदुक सध्या वापरात नव्हती. घरामध्ये सुयश रक्ताच्या थारोळ्यामध्ये पडला होता. या घटनेची माहिती मिळताच सुयशच्या घराबाहेर नागरिकांनी मोठी गर्दी केली आहे. सुयशने आत्महत्या का केली याचा तपास पोलिस करत आहे. सुयशचा मृतदेह पोलिसांनी ताब्यात घेतला असून शवविच्छेदनासाठी रुग्णालयात पाठवण्यात आला आहे. या घटनेमुळे महाडमध्ये खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.