राहुल सोलापूरकर या अभिनेत्याच्या बेताल वक्तव्यांची मालिका काही केल्या संपत नाही. आधी छत्रपती शिवाजी महाराज आणि आता डॉ. बाबासाहेब आंबेडकर यांच्याविरोधात केलेल्या वक्तव्यानं राहुल सोलापूरकरांच्या अडचणीत वाढ झालीये. नेमका कोणता व्हिडीओ वायरल झालाय? पाहूया एक रिपोर्ट.

ऐकलंत अभिनेता राहुल सोलापूरकरांनी डॉक्टर बाबासाहेब आंबेडकरांबद्दल काय दावा केलाय. वेदांनुसार बाबासाहेब आंबेडकर हे ब्राम्हण असल्याचं विधान राहुल सोलापूरकरांनी केलाय. हा दावा करतांनाचा त्यांचा एक व्हिडीओ व्हायरल झालाय. आधी छत्रपती शिवाजी महाराज आणि आता डॉक्टर बाबासाहेब आंबेडकर. यामुळे सोलापूरकरांची महापुरुषांबद्दलच्या वादग्रस्त वक्तव्यांची मालिका अखंड सुरुच आहे. आग्र्याहून छत्रपती शिवाजी महाराज यांनी लाच देऊन सुटका करुन घेतली असं वक्तव्य सोलापुरकरांनी केलं होतं.

या वक्तव्याचे राज्यभरात पडसाद उमटले. हा वाद शांत होत नाही तोच त्यांनी मनुवादाची होळी करणाऱ्या आणि ब्राम्हणवादाविरोधात अखंड आयुष्य लढणाऱ्या बाबासाहेबांना थेट ब्राम्हण ठरवलंय. याच मुलाखतीत बाबासाहेब आंबेडकरांचा एकेरी उल्लेखही करण्यात आलाय. हा व्हिडीओ वायरल झाल्यानं आता राहुल सोलापूरकरांच्या विरोधात संतप्त प्रतिक्रिया उमटल्या आहेत.

छत्रपती शिवाजी महाराज आणि डॉ.बाबासाहेब आंबेडकर हे उभ्या महाराष्ट्राचे आराध्यदैवत... त्यांनी ज्यांच्या विरोधात लढा दिला त्याचांच्या पक्तीत या राष्ट्रपुरुषांना बसवणं म्हणजे हा राष्ट्रद्गोह असं म्हटलं तर चुकीचं ठरणार नाही. त्यामुळे राहुल सोलापूरकारांच्या विरोधात सरकारने कडक कारवाई करावी अशी मागणी केली जात आहे. आता राहुल सोलापूरकरविरोधात सरकार काय भूमिका घेते हे पाहणं महत्त्वाचं ठरणारेय.