MLA Disqualification:

सुप्रीम कोर्टात आज आमदारांच्या अपात्रतेवर सुनावणी पार पडली. यावेळी न्यायालयाने विधानसभा अध्यक्ष राहुल नार्वेकरांना फटकारले. यावरून राहुल नार्वेकरांनी पहिली प्रतिक्रिया दिली आहे. अद्याप माझ्यापर्यंत सर्वोच्च न्यायालयातील कोणतीही माहिती आलेली नसल्याचं त्यांनी म्हटलं आहे. (Latest Marathi News)

दिरंगाई होणार नाही

माध्यमांशी बोलताना राहुल नार्वेकरांनी म्हटलं की, अद्याप मला सर्वोच्च न्यायालयातील कोणतीही माहिती मिळाली नाही. संपूर्ण माहिती जाणून घ्यावी लागेल. त्यानंतर पुढील कारवाईचा निर्णय घेतला जाईल. विधानसभा अध्यक्ष हे पद संवैधानिक आहे असं सुप्रीम कोर्टाने मान्य केलं आहे.", असं राहुल नार्वेकर म्हणाले.

दरम्यान, पुढे त्यांनी म्हटलं की, "कारवाईला यावेळी कोणतीही दिरंगाई होणार नाही. लवकरात लवकर योग्य तो निर्णय घेतला जाईल. निर्णय घेताना कोणतीही घाई केली जाणर नाही.", असं नार्वेकरांनी यावेळी स्पष्ट केलं.

सरन्यायाधीश डी.वाय. चंद्रचूड काय म्हणाले?

नार्वेकरांना फटकारताना न्यायालयाने म्हटलं की, "न्यायालयाने दिलेल्या निर्देशांचा आदर करायलाच हवा. विधानसभा अध्यक्ष घटनेच्या दहाव्या अनुसूची अंतर्गत कार्यवाही अनिश्चित काळासाठी लांबवू शकत नाहीत. विधानसभा अध्यक्षांनी एका आठवड्यामध्ये सुनावणी करून त्याबाबतची रूपरेषाही ठरवावी कार्यवाही करावी. तसेच दोन आठवड्यानंतर त्याबाबतची सगळी माहिती सुप्रीम कोर्टात द्यावी", असं न्यायालयाने म्हटलं आहे.