तुमच्या गाडीचं चलान तुम्ही भरत नसाल तर ही बातमी तुमच्यासाठी महत्वाची आहे..कारण दंड न भरणाऱ्या वाहनधारकांविरोधात वाहतूक पोलिसांनी कारवाईचा बडगा उगारलाय..अशा वाहनधारकांना वाहतूक पोलीस थेट नोटीस पाठवणार आहेत.... आणि त्यानंतरही दंड भरला गेला नाही तर थेट वाहन परवानाच रद्द केला जाणार आहे..

दंड भरा, अन्यथा लायसन्स रद्द

थकीत दंड भरण्यासाठी वाहतूक पोलिसांनी पुणेकरांना आवाहन केलं असून अधिकृत शॉट कोडवरून एसएमएस द्वारे मोबाईलवर नोटीस पाठवली जाईल..त्यानंतर 30 दिवसांच्या आता दंडाची रक्कम भरणं बंधनकारक असेल. हा दंड https://mahatrafficechallan.gov.in/ या अधिकृत वेबसाइटवरून भरता येईल तसंच Pune Traffic Police App (PTP App) या अपवरून भरता येईल किंवा थेट वाहतूक चौकीतही जमा करता येईल

विशेष म्हणजे, पुणे वाहतूक पोलिसांनी नोटीस पाठविण्यासाठी २६, २७, २८ फेब्रुवारी आणि १ मार्च असे चार दिवस निश्चित केलेत. त्यामुळे या एसएमएसकडे दुर्लक्ष केलंत तर तुमचं लायसन्स जप्तच झालं समजा...