खेड (पुणे) : मागील काही दिवस पावसाने दडी मारल्यानंतर पुणे, पिंपरी- चिंचवड परिसरात दोन दिवसांपासून दमदार पाऊस सुरु आहे. या पावसामुळे (Khed) खेड तालुक्यातील भामा आसखेड धरणाच्या पाणी पातळीत वाढ होऊन धरण १०० टक्के भरले आहे. (Live Marathi News)

यावर्षी पावसाची उशिरा सुरुवात झाली. तर मागील एक ते दीड महिना तुरळक स्वरुपाचा पाऊस वगळता (Heavy Rain) पावसाने दडी मारली होती. यामुळे भामा आसखेड धरणातील पाणीसाठा गेले कित्येक दिवस ८३ ते ८४ टक्क्यांवर स्थिरावला होता. मात्र मागील दोन दिवस दमदार पडत असलेल्या पावसाने भामा- आसखेड धरण फुल झाले आहे. 

पुणे, पिंपरी चिंचवड शहरासह चाकण औद्योगिक क्षेत्र आणि आळंदी शहराला पाणी पुरवठा करणारे खेड तालुक्यातील भामा आसखेड  धरण अखेर १०० टक्के भरले. यामुळे धरणातील पाण्यावर अवलंबून असलेल्या सर्व शेतकरी, उद्योजक व सर्व नागरिकांनी समाधान व्यक्त केले.