सचिन जाधव

पुणे : सोशल मिडीयाच्‍या माध्‍यमातून अनेकांची फसवणूक झाल्‍याच्‍या घटना घडल्‍या आहेत. परंतु, पुण्यात (Pune) सोशल मीडियावर (Social Media) रिव्ह्यू टास्क देऊन कमिशन देण्याच्या बहाण्याने ३४ लाख ७६ हजार ७०४ रुपयांचा गंडा घातल्याची घटना घडली आहे. (Breaking Marathi News)

फिर्यादीने (Cyber Police) सायबर पोलिसांना दिलेल्या फिर्यादीनुसार पुण्यात कामाच्या ठिकाणी असताना अनोळखी क्रमांकावरून मेसेज आला. त्यामध्ये गुगल रिव्ह्यू टास्कचे काम पूर्ण केले असता त्यावर कमिशन मिळेल; असा मजकूर होता. सुरुवातीला काही मोबदला देऊन रानडे यांचा विश्वास संपादन करून त्यानंतर वेगवेगळी कारणे सांगत वेळोवेळी रानडे यांच्याकडून एकूण ३४ लाख ७६ हजार ७०४ रुपये उकळले.

टेलिग्रामवर रिक्रूटर्स झोन इंडिया प्रायव्हेट लिमिटेड या कंपनीच्या विरोधात सायबर पोलीस ठाण्यात गुन्हा दाखल करण्यात आला आहे. सायबर पोलिसांकडून तपास सुरू आहे.