पुणे : पुण्यातील वाघोलीतील मल्हारी डोंगराच्या पायथ्याशी एका आयटी इंजिनियरची हत्या करण्यात (Pune) आली. अवघ्या तीन हजार रुपयांसाठी ही हत्‍या झाल्‍याचे समोर आले आहे. मात्र हत्येच्‍या २४ तासात दोन आरोपींना पोलिसांनी (Police) अटक केली आहे. (Live Marathi News)

पुणे येथे वास्‍तव्‍यास असलेला गौरव सुरेश उदाशी (वय ३५, शिवाजीनगर, अमरावती) असे खून करण्यात आलेल्या तरुणाचे नाव आहे. भगवान केंद्रे याच्याकडे चार चाकी आहे. ॲप आधारित टॅक्सी सर्विस तो पुरवतो. यातूनच भगवान आणि गौरव यांची ओळख झाली होती. गौरवने त्याच्या टॅक्सीतून यापूर्वी प्रवासही केला होता. त्याचीच ३ हजार रुपये गौरवकडे होते. हे पैसे परत न दिल्यानेच भगवान आणि त्याच्या साथीदाराने गौरवचा (Crime News) खून केला

दोन जणांना अटक

या प्रकरणी लोणीकंद पोलीस ठाण्यात गुन्हा दाखल करण्यात आला आहे. पोलिसांनी तपास करत या प्रकरणी टॅक्सी चालक भगवान केंद्रे (उस्मानाबाद) व अमोल मानकर (वाशिम) यांना अटक केली आहे. पोलिसांकडून पुढील तपास सुरू आहे.