• अकोल्यातील उच्चभ्रू सोसायटीमध्ये सेक्स रॅकेट

• पोलिसांनी धाड टाकत केली कारवाई

• दोन महिला आणि तीन पुरुषांना नको त्या अवस्थेत पकडलं

• एका नागरिकांच्या तक्रारीनंतर बनावट ग्राहक पाठवून कारवाई करण्यात आली

अक्षय गवळी, अकोला

अकोला पोलिसांनी मोठी कारवाई करत देहविक्री रॅकेटचा पर्दाफाश केला. अकोल्यातील एका उच्चभ्रू सोसायटीमध्ये हा देहविक्रीचा व्यवसाय सुरू होता. रात्री उशिरा पोलिसांनी याठिकाणी धाड टाकली. २ महिला आणि ३ पुरूषांना पोलिसांनी नको त्या अवस्थेत पकडलं. अकोला शहरातील सिव्हिल पोलिस ठाण्याच्या हद्दीतील राम नगर परिसरात ही कारवाई करण्यात आली. या कारवाईमुळे एकच खळबळ उडाली. पोलिसांनी या सर्वांना ताब्यात घेतले असून त्यांची चौकशी सुरू आहे. या देहविक्रीच्या रॅकेटमध्ये आणखी कुणी सहभागी आहे की नाही याचा पोलिस तपास करत आहेत.

मिळालेल्या माहितीनुसार, एका जागरुक नागरिकाकडून मिळालेल्या माहितीच्या आधारे पोलिसांनी देहविक्रीच्या रॅकेटचा पर्दाफाश केला. उच्चभ्रू सोसायटीतील एका भाड्याच्या फ्लॅटमध्ये हा देहविक्रीचा व्यवसाय चालवला जात होता. स्थानिक नागरिकांच्या तक्रारीनंतर पोलिसांनी बनावट ग्राहक पाठवत ही कारवाई केली. प्रति ग्राहकांकडून ५ हजार रुपये घेत या तरुणी आणि महिला देहविक्रीचा व्यवसाय करत होत्या. व्हॉट्सअ‍ॅपवर तरुणींचे फोटो पाठवून पूर्ण सौदे ठरायचे.

पोलिसांनी ५ जणांना ताब्यात घेतले असून त्यांच्याविरुद्ध संबंधित कायद्यांनुसार गुन्हा दाखल करण्यात आला आहे. या कारवाईमुळे परिसरात एकच खळबळ उडाली आहे. जवळपास २ तास घटनास्थळावर नागरिकांची मोठी गर्दी होती. नागरिकांच्या सतर्कतेला सिव्हिल लाईन पोलिसांनी तत्पर प्रतिसाद देत कारवाई केल्याने स्थानिकांनी पोलिसांचे आभार मानले. या प्रकरणाचा पुढील तपास सिव्हिल लाईन पोलिस करत आहेत.