Barshi Crime News : बार्शी सत्र न्यायालयात (Barshi Court) सुनावणीसाठी आणलेल्या संशयित आरोपीने चक्क न्यायालयाच्या आवारातून धूम ठोकल्याचा प्रकार घडला आहे. बनावट चलनी नोटा प्रकरणी संबंधित संशयित आरोपी सोलापूर कारागृहात होता. गुरुवारी (१९ जानेवारी) त्याने पोलिसांना चकवा देत पळ काढला. संबंधिताच्या शोधासाठी पोलिस (police) दलाची पथके रवाना झाली आहेत.

गेला काही दिवसापूर्वी बनावट चलनी नोटा प्रकरणी संबंधितावर टेंभुर्णी पोलिसात गुन्हा दाखल करण्यात आला होता. माढा तालुक्यातील बारलोणी येथील सिद्धेश्वर शिवाजी केचे असे संशयिताचे नाव आहे. टेंभुर्णी पोलिसांनी त्याला अटक (arrest) केली हाेती. सोलापूर येथील कारागृहात त्याची रवानगी करण्यात आली होती.

याबाबतची तक्रार बार्शी (barshi) शहर पोलिसात मोतीराम हरिचंद्र पवार यांनी दिली आहे. त्यानुसार संबंधितावर गुन्हा दाखल करण्यात आला आहे. या घटनेचा अधिक तपास सहाय्यक पोलीस निरीक्षक ज्ञानेश्वर उदार हे करत आहेत. (Maharashtra News)

Edited By : Siddharth Latkar