मराठा आरक्षण आंदोलक नेते मनोज जरांगे आणि भाजप नेत्यांमध्ये जुंपलीय. आता भाजप आमदार प्रविण दरेकर यांनी जरांगे यांच्यावर सणसणीत टीका केलीय. जरांगेच्या नसानसांत अहंकार आणि गर्व आल्याची टीका दरेकरांनी केलीय. तुम्ही करता ते फक्त मराठा समाजाच आंदोलन दुसर करेल ते सवतीच असं बोलणं कितपत योग्य आहे. मराठा समाजाच्या पाठबळावर अहंकार बळावलाय असल्याचं दरेकर म्हणालेत.

प्रविण दरेकर यांनी मराठा आरक्षणासाठी एक मोर्चा काढला होता. त्यावर मनोज जरांगे पाटील यांनी टीका केली होती. त्यावरून दरेकर आणि जरांगे पाटील यांच्या वाद पेटलाय. आता राज्यात मराठा समाजाचे कोणतेच आंदोलन चालू नाहीये. नेते प्रविण दरेकर हे करत असलेल्या आंदोलनाशी आपला काही संबंध नाहीये. ते आंदोलन करून मराठा समाजात फूट पाडण्याची प्रयत्न करत आहेत. मराठा आंदोलनात यांना दंगली घडवून आणण्याच्या आहेत.

हे देवेंद्र फडणवीस आणि दरेकर यांचे काम आहे,असा आरोप मनोज जरांगे पाटील यांनी केला. जरांगे यांच्या टीकेला प्रविण दरेकर यांनी उत्तर दिलंय. जरांगे पाटील यांना अंहकार आलाय, तुम्ही करता ते फक्त मराठा समाजाच आंदोलन दुसरे कोणी करेल ते सवतीच, असं बोलणं कितपत योग्य असल्याचं सवाल दरेकर यांनी केला.

सरकारला गर्व असता तर डझनभर मंत्री पायाशी येऊन बसले नसते. राज्याचे मुख्यमंत्री तुमच्याकडे आले हे कधीच घडलं नाही. उद्धव ठाकरे आणि पवार साहेब शिल्लक आहेत त्यांनाही येत्या काळात शिव्या शाप मिळतील हा अहंकारच असल्याची टीका दरेकरांनी केलीय. विधानसभा निवडणुकीत भाजपच्या नेत्यांना पराभूत करणार असल्याचं निर्धार जरांगे केलाय. त्यावरुनही दरेकरांनी त्यांच्यावर टीका केलीय. राजकारणापेक्षा मराठा समाजाचे प्रश्न कुठ आहेत. लढवणार किती आणि पाडणार किती यावरच जरांगे बोलत आहेत. खोटं चित्र किती दिवस समाजाला दाखवणार फेक नरेटीव्ह चालवले जात असून जरांगे पाटील यांचे आंदोलन हे कोणीतरी हायजॅक केलंय असा आरोपही प्रविण दरेकर यांन केलाय.