आगामी स्थानिक स्वराज्य संस्थांच्या निवडणुकांच्या पार्श्वभूमीवर शिंदे गटात धुसफूस सुरू आहे. बुलढाण्यातील जिल्हा प्रमुख शांताराम दाणे पाटील यांच्याविरोधात शिवसेना एकवटली आहे. शिवसेना शिंदे गटातील पदाधिकाऱ्यांनी शांताराम दाणे पाटील यांच्याविरोधात गंभीर आरोप केले आहेत. त्यांच्या कारभाराला कंटाळून पदाधिकाऱ्यांनी राजीनामे दिले आहेत. यामुळे राजकीय वर्तुळात खळबळ उडाली आहे.

शिवसेना शिंदे गटाचे बुलढाण्यातील जिल्हाप्रमुख शांताराम दाणे पाटील यांच्यावर गंभीर आरोप करण्यात आले आहे. शांताराम दाणे पाटील यांच्याविरोधात शिंदे गटातील पदाधिकारी एकवटली आहे. शिवसेनेतील काही पदाधिकाऱ्यांनी पाटील यांच्यावर गंभीर आरोप केले आहेत.

भाजपच्या दोन आमदारांसोबत संगनमत करून शिवसेना शिंदे गटाच्या कार्यात अडथळा आणत असल्याचा आरोप पदाधिकाऱ्यांनी केला. तसेच महिला आघाडी जिल्हा प्रमुख यांच्याशीही गैरवर्तणूक केल्याचा गंभीर आरोप पदाधिकाऱ्यांनी तक्रारीत केला आहे. त्यांनी यासंदर्भातील लेखी तक्रार संपर्क प्रमुख प्रतापराव जाधव यांच्याकडे सोपवला. पदाधिकाऱ्यांनी तक्रारीत शांताराम दाणे पाटील यांच्यावर गंभीर आरोप केले आहेत.

पाटील यांच्या कारभाराला कंटाळून शिवसेनेच्या घाटा खालील सहा तालुक्यातील पदाधिकाऱ्यांनी सामूहिक राजीनामे दिले. त्यांनी हे राजीनामे संपर्क प्रमुख प्रतापराव जाधव यांच्याकडे सोपवले आहे. आगामी स्थानिक स्वराज्य संस्थांच्या निवडणुकांच्या पार्श्वभूमीवर शिवसेना शिंदे गटातील पदाधिकाऱ्यांनी राजीनामा दिला असल्यामुळे राजकीय वर्तुळात खळबळ उडाली आहे.