रत्नागिरीतून धक्कादायक बातमी समोर येत आहे. मिरजोळे एमआयडीसी येथे सुरू असलेल्या वेश्याव्यसायाचा पोलिसांनी पर्दाफाश केला आहे. पुण्यातील २ तरूणींच्या मदतीनं नेपाळी महिला हा वेश्याव्यवसाय चालवत असल्याची धक्कादायक बाब उघड झाली आहे. पोलिसांनी महिलेविरोधात गुन्हा दाखल केला असून, आरोपी महिलेला अटकही करण्यात आली आहे.

गीता छबी थापा असं गुन्हा दाखल करण्यात आलेल्या महिलेचं नाव आहे. रत्नागिरी शहरालगतच्या मिरजोळे एमआयडीसी येथे वेश्याव्यवसाय सुरू होता. या भागात वेश्याव्यवसाय सुरू असल्याची माहिती रत्नागिरीच्या स्थानिक गुन्हे शाखेला मिळाली. त्यांना ही माहिती गोपनीय सुत्रांकडून मिळाली. पोलिसांनी तातडीने छापा टाकण्याचे ठरवले.

पुण्यातील दोन तरुणींच्या मदतीने नेपाळी महिला हा वेश्याव्यवसाय चालवत होती. गोपनीय माहितीच्या आधारे स्थानिक गुन्हे अन्वेषण शाखेने या प्रकाराचा पर्दाफाश केला. या प्रकरणी संशयित नेपाळी महिलेविरोधात ग्रामिण पोलीस ठाण्यात गुन्हा दाखल करण्यात आला आहे. पोलिसांनी गुन्हा दाखल करून आरोपींना बेड्या ठोकल्या आहेत.

भंडाऱ्यात देहविक्री व्यवसायाचा भंडाफोड

बांधकाम सुरू असलेल्या घरात देहविक्रीचा व्यवसाय सुरू असल्याची माहिती पोलिसांना मिळाली. ही धक्कादायक बाब भंडाऱ्यातील मेहेगाव मार्गावरील तुमसर येथून उघडकीस आली. जिल्हा पोलिसांच्या दहशतवाद विरोधी पथकाने तातडीने कारवाई करत वेश्याव्यवसायावर छापा टाकला. वैभव बोरकर (४०), भरत कोल्हाडकर (३६) असे आरोपींची नावे आहेत. त्यांच्याविरुद्ध अनैतिक वाहतूक (प्रतिबंध) कायदा, १९५६ च्या कलम ३, ४ आणि ५ अंतर्गत गुन्हा दाखल करण्यात आला आहे