Amravati News : अमरावती शहरात एटीएम मधून पैसे पळविणारी टोळी सक्रिय असल्याचे पोलिसांनी केलेल्या कारवाईतून समोर आल आहे. रात्रीच्या सुमारास पोलीस पेट्रोलिंग दरम्यान तिघा संशयित पोलिसांना पकडल्याची माहिती नवीनचंद रेड्डी (पोलीस आयुक्त) यांनी दिली. (Maharashtra News)

अमरावतीच्या उस्माना मस्जिद परिसरात आयसीआयसीआय बँकेचे (bank) एटीएम आहे. या ठिकाणी एका लोखंडी पट्टीच्या साह्याने ग्राहकांचे पैसे पळविण्याचा प्रकार केला जात असे. अगदी सहजरीत्या चोरटे एटीएम मधून पैसे काढत होते. २० ते २५ वर्ष वयोगटातील तीन आरोपींनी हा एटीएम मधून पैसे पळविण्याचा नवा प्रकार केला.

अनेकदा बँकेच्या एटीएम मध्ये पैसे नसल्यास, त्यातून पैसे निघत नाहीत. त्यामुळे ग्राहकांना संशय सुद्धा येत नाही. आपण केलेल्या ट्रांजेक्शनचे पैसे चोरटे पळवू शकतात. याच गोष्टीचा फायदा घेऊन आंतरराज्य तीन आरोपींनी डाव साधण्याचा प्रयत्न केला आहे. पोलिसांच्या (police) सतर्कतेने सर्व प्रकार उघडकीस आल्याची माहिती पोलीस आयुक्त नवीनचंद रेड्डी यांनी दिली आहे.

Edited By : Siddharth Latkar