Manasvi Choudhary
केळी आरोग्यासाठी अत्यंत फायदेशीर मानली जातात. केळीचे सेवन केल्याने शरीराची रोगप्रतिकारशक्ती सुधारते.
अनेकजण नियमितपणे केळी खातात. मात्र आजकाल नैसर्गिक रित्याच नाही तर केमिकलयुक्त केळी बाजारात विकली जातात.
केळी पिकवण्यासाठी 'कॅल्शियम कार्बाइड' या हानिकारक रसायनांचा वापर केला जातो जो आरोग्यासाठी घातक आहे.
केमिकलने पिकवलेली केळी ही गडद पिवळ्या रंगाची असतात आणि या केळ्यांवर डाग नसतो. नैसर्गिकरीत्या पिकलेली केळी हलकी पिवळी किंवा फिक्कट रंगाची असतात. त्यावर काही प्रमाणात काळे किंवा तपकिरी डाग असतात.
केमिकलने पिकवलेली केळी ही चवील कडवट असतात तसेच ही केळी कच्ची किंवा कडक असू शकतात. त्यांचा गोडवा नैसर्गिक नसून तोंडाला कडवटपणा जाणवतो.
केमिकलने पिकवलेली केळी हातात घेतल्यावर कडक लागतात. ती दिसायला टवटवीत असतात पण दाबली तरी सहजासहजी दबली जात नाहीत. नैसर्गिक केळी ही मऊ असतात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.