Shambhuraj Desai News : संजय राऊत म्हणजे चुकीची चिठ्ठी काढणार पोपट अशी टीका पुन्हा एकदा राज्याचे उत्पादन शुल्क मंत्री शंभूराज देसाई यांनी खासदार संजय राऊत यांच्यावर केली आहे. आम्ही लोकांची काम करीत आहाेत आणि यापुढं देखील करायची आहेत त्यामुळे सध्याच्या राजकीय घडमाेडींवर आम्ही नाराज नाही असेही देसाईंनी स्पष्ट केले. (Maharashtra News)
संजय राऊत (sanjay raut) यांना आता दुसर काही काम राहिलेलं नाही. रोज सकाळी उठून काहीतरी बोलत राहायचं हे त्यांचं ठरलेलं आहे. आम्हाला लोकांच्यात राहायचं आहे. लोकांची काम करायची आहेत. संजय राऊत यांचं बोलणं तथ्यहीन असते. त्याला कोणताही आधार नसतो. संजय राऊत म्हणजे चुकीची चिठ्ठी काढणारा पोपट आहे. आता तुम्ही गांभीर्याने घेत जाऊ नका असे मंत्री देसाईंनी माध्यमांशी बाेलताना नमूद केले.
सध्याच्या (satara) राजकीय घडामाेडीवर मंत्री देसाई (shambhuraj desai) म्हणाले आमचे नेते शिंदे साहेबांनी जाे निर्णय घेतला आहे तो आम्हाला मान्य आहे. आमचे सर्व आमदार 100 टक्के खुश आहेत. कोणीही आमदार नाराज नाही. ते आमच्याकडे आलेले आहेत, परिस्थिती बदललेली आहे त्यामुळे अजिबात नाराजी नाही. आम्हाला शिंदे साहेबांवर पूर्णपणे विश्वास आहे असे ठामपणे मंत्री देसाईंनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
