पिंपरी चिंचवड : विधानसभा निवडणुक लागण्याची शक्यता आहे. मात्र या निवडणुकीच्या तोंडावर पिंपरी चिंचवड शहरात भाजपला दुसरा मोठा धक्का बसला आहे. शहरातील भारतीय जनता पक्षाचे वाकड परिसरातील माजी नगरसेवक तसेच शहर उपाध्यक्ष राम वाकडकर यांनी आपला पदाचा राजीनामा दिला आहे. 

आगामी विधानसभा निवडणुकीच्या (Vidhan Sabha Election) अनुषंगाने सर्वच पक्षांकडून मोर्चेबांधणी सुरु करण्यात आली आहे. तसेच कार्यकर्ते, पदाधिकारींना जबाबदारी सोपविली जात आहे. अशात पक्षातील प्रमुख पदाधिकारी बाहेर पडत असल्याने भाजपला पिंपरी चिंचवडमध्ये (Pimpri Chinchwad) धक्का बसला आहे. पिंपरी चिंचवड शहर भाजप शहराध्यक्ष शंकर जगताप यांच्या कार्यपद्धतीला वैतागून भाजपचे वाकड परिसरातील माजी नगरसेवक संदीप कस्पटे यांनी देखील आपलय पदाचा राजीनामा तीन दिवसांपुर्वी प्रदेशाध्यक्ष चंद्रशेखर बावनकुळे यांच्याकडे सोपवला होता. त्यात त्यांनी आणखी दहा-पंधरा नगरसेवक राजीनामा देण्याच्या तयारीत असल्याचं दावा केला होता. 

दरम्यान संदीप कस्पटे यांनी केलेल्या दाव्यानुसार राम वाकडकर यांनी देखील आपला पदाचा राजीनामा आज प्रदेशाध्यक्ष चंद्रशेखर बावनकुळे यांच्याकडे सोपविला आहे. राम वाकडकर हे वाकड परिसरामध्ये भारतीय जनता पक्षाचे एक मोठे दमदार नगरसेवक आणि उद्योजक आहेत. त्यांनी भाजपला राम राम ठोकल्यामुळे चिंचवड विधानसभा क्षेत्रात भारतीय जनता पक्षाला मोठा फटका बसण्याची शक्यता व्यक्त करण्यात येत आहे.