पिंपरी चिंचवड : पुण्याच्या पिंपरी चिंचवडच्या औद्योगिक परिसरांमधील कंपन्यांमध्ये रात्रीच्या वेळी धारदार शस्त्रासह घुसून चोरी केला जात असल्याचा प्रकार घडत होते. चोरी करणाऱ्या या टोळीला पिंपरी चिंचवड (Pimpri Chinchwad) शहरातील चिखली पोलिसांनी बेड्या ठोकल्या आहेत. (Breaking Marathi News)

पिंपरी चिंचवड परिसरातील औद्योगिक वसाहत परिसरात या टोळीकडून दिघी, चिखली, चाकण, कोंढवा आणि भारती पोलिस स्टेशन हद्दीतील आठ चोरीचे गुन्हे चिखली पोलिसांनी उघडकीस आणले आहेत. अब्दुल कलाम रहिमान शहा, योगेश तानाजी चांदणे, रविशंकर महावीर चौरसिया, रिजवान खान, शकील मंसुरी आणि दोन विधी संघर्ष बालकांचा या टोळीत समावेश आहे. अब्दुलकलाम रहिमान शहा, योगेश तानाजी चांदणे आणि रविशंकर महावीर चौरसिया ह्या तिन आरोपींना चिखली पोलिसांनी बेड्या ठोकल्या आहेत. तर उर्वरित आरोपीचा शोध चिखली पोलिस अजुनही घेत आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

२४ लाखाचा मुद्देमाल जप्त 

सीसीटीव्ही फुटेज आणि इतर तांत्रिक विश्लेषण करून चिखली पोलिसांनी या टोळीला बेड्या ठोकल्या आहेत. या टोळीकडून चिखली पोलिसांनी २४ लाख ४५ हजार १४० रुपयांचा मुद्देमाल जप्त केला आहे. त्यात ग्राइंडर मशीन, पोपट पाना, चार्जेबल ट्यूबलाईट, ब्युटेन गॅसगन, लोखंडी छिन्नी, कुऱ्हाडीचे पाते, ड्रिल मशीन, स्टील बोल्ड कटर, हेक्सा फ्रेम, टि पाना, स्क्रू ड्राइवर आणि हातोडा अस चोरीसाठी लागणाऱ्या साहित्याचा समावेश आहे.