Satara Politics News:

सातारच्या राजकारणात राष्ट्रवादी अजित पवार गटाचे नेते रामराजे नाईक निंबाळकर आणि माण खटावचे आमदार जयकुमार गोरे यांच्यातील वाद काही नवा नाही. एकमेकांचे कट्टर विरोधक म्हणून रामराजे नाईक निंबाळकर आणि जयकुमार गोरे यांचे नाव घेतले जाते. सध्या माढा लोकसभेवरुन महायुतीत रस्सीखेच सुरू असतानाच पुन्हा एकदा रामराजे निंबाळकरांनी जयकुमार गोरे आणि खासदार रणजितसिंह नाईक निंबाळकर यांच्यावर निशाणा साधला आहे.

काय म्हणाले राजराजे नाईक निंबाळकर?

साताऱ्यातील (Satara) फलटण मतदारसंघात महायुतीतील वादाला सुरुवात झाली आहे. विडणी येथे झालेल्या एका कार्यक्रमात रामराजे नाईक निंबाळकर (Ramraje Naik Nimbalkar) यांनी भाजप खा.रणजितसिंह नाईक निंबाळकर यांच्यावर निशाणा साधला. रणजितसिंह नाईक निंबाळकर हे आमदार जयकुमार गोरेंचे (Jaykumar Gore) पीए आहेत, अशी खोचक टीका रामराजेंनी केली.

रणजितसिंह निंबाळकर गोरेंचे पीए..

"हे इथे नाही पनवेलला असतात, गुरू बोराटवाडीला. हे सर्व तिथून चालतं. मंत्रालयाच्या सहाव्या मजल्यावरुन आणि बोराटवाडीतून सर्व चालतं. आजपर्यंत देशातला एकही खासदार बघितला नाही, जो आमदारांच्या मागे बसतो. आपले खासदार आमदारांचे पीए आहेत," असे राजराजे नाईक निंबाळकर यावेळी म्हणाले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

"परवाच्या सभेत देवेंद्र फडणवीस (Devendra Fadanvis) माझे मित्र आहेत म्हणून आले मात्र ते आमदार जयकुमार गोरेंना बघवलं नाही. माझ्यावर वारंवार बारामतीला पाणी दिल्याचा आरोप करतात पण बारामतीला पाणी दिलं असतं तर तुमच्या विडणी गावचा ऊस वाढला असता का?" असा थेट सवालही रामराजेंनी खासदार रणजितसिंह निंबाळकरांना विचारला. (Latest Marathi News)