Nanded : राज्यात इयत्ता बारावीची परीक्षा (HSC Exam 2023) काॅपी मुक्त व्हावी यासाठी शिक्षण महामंडळासह प्रशासन सज्ज झाले असले तरी बहुतांश जिल्ह्यात पेपर फुटी प्रकरण, काॅपी करण्याचे प्रकार घडल्याचे समाेर आले आहे. मंगळवारी झालेल्या इंग्रजी विषयाच्या (HSC English Subject Paper Leaked) पहिल्याच पेपरला काॅपी बहाद्दर आणि त्यांच्या नातेवाईकांनी नांदेड (Nanded Latest News) जिल्ह्यात धुमाकुळ घातल्याचे सचित्र दर्शन समाज माध्यमातून (Social Media) व्हायरल हाेऊ लागले आहे.

समाज माध्यमातून व्हायरल झालेल्या नांदेड जिल्ह्यातील चिखली येथील परीक्षा केंद्रावर कॉपी बहादरांची यात्रा भरल्याचे चित्र दिसत आहे. वर्गावरील शिक्षकांचा काॅपी पुरवणाऱ्यांवर वचक दिसत नव्हता. केंद्रावर पोलिसांचा देखील नावालाच बंदाेबस्त हाेता की काय असा प्रश्न उपस्थित केला जात आहे.

चिखली येथील परिक्षा केंद्रावरील विद्यार्थ्यांना काॅपी देतानाचे त्यांच्या नातेवाईकांचे व्हिडीओ आता सोशल मिडीयावर मोठ्या प्रमाणात व्हायरल होत आहेत. विशेष म्हणजे मंगळवारी गट शिक्षणाधिकाऱ्यांचे बैठे पथक असताना देखील चिखली केंद्रावर काॅप्यांचा बाजार भरला होता. काही वेळेला पाेलिस काॅपी पूरविणा-यांना हटकत हाेते. तर शिक्षक विद्यार्थ्यांकडून काॅपीचा प्रकार हाेऊ नये यासाठी चिठ्ठी गाेळा करत हाेते.

खरं तर काॅपी मुक्तीचा नांदेड पॅटर्न राज्यभर राबविला जाताे. मात्र या प्रकरामुळे आता नांदेड पॅटर्नची वाट लागल्याची चर्चा रंगली आहे. परीक्षा केंद्रावर खुलेआम कॉपीचे प्रकार घडत असताना काेणाची तक्रारीची वाट शिक्षण मंडळ पाहत आहे असा प्रश्न निर्माण हाेत आहे. (Maharashtra News)

Edited By : Siddharth Latkar