परभणी : शेततळे असलेल्या भागात जनावरे चारण्यासाठी दोन मुले गेली होती. तळ्यातील पाणी पाहून पोहण्याचा मोह (Parbhani) आवरला गेला नाही. पाणी पाहून शेततळ्यात पोहण्यासाठी उतरली असता पाण्याचा अंदाज न आल्याने दोन्ही मुलांचा पाण्यात बुडून मृत्यू (Death) झाला. (Breaking Marathi News)

सदरची घटना परभणी शहरातील वसंतराव नाईक मराठवाडा कृषी विद्यापीठ परिसरातील शेततळे भागात १८ जानेवारीला सायंकाळच्या सुमारास घडली. मयत दोन्ही मुले सायाळा खटिंग येथील रहिवाशी आहेत. या घटनेनंतर गावावर शोककळा पसरली आहे. कृष्णा बालासाहेब पौळ (वय १४) व ओम बाबुराव कंधारे (वय १४) असे मयत मुलांची नावे आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुले बुडाल्याची माहिती गावात मिळाल्यानंतर ग्रामस्थांनी मुलांचा शोध घेतला. वनामकृवीतील शेततळे भागात कृष्णा पौळ याचा मृतदेह आढळून आला. तर ओम दिसून आला नाही. कृष्णाचा मृतदेह उत्तरीय तपासणीसाठी जिल्हा सामान्य रुग्णालयात पाठविण्यात आला. शेततळ्यात ओमचा शोध घेण्यात आला. यानंतर आज ओम कंधारे याचा देखील मृतदेह मिळून आला.